E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Fatos Tushe “çon” Ramën në Gjykatë/ Lëvizja e befasishme e ish-kryebashkiakut të arrestuar

8 Dhjetor 2021, 13:58, Politikë CNA

Ish-kryebashkiaku i Lushnjes, Fatos Tushe nuk dorëzohet përpara vendimit të kryeministrit Edi Rama për shkarkim.

Tushe i është drejtuar Gjykatës Kushtetuese, duke kërkuar shfuqizimin e vendimit të Këshillit të Ministrave për shkarkimin e tij nga detyra.

Kujtojmë se Tushe u shkarkua si kryebashkiak i Lushnjes, pasi u vu nën hetim nga SPAK dhe u arrestua për abuzim me tenderin për kanalin ujitës.

Gjykata Kushtetuese, ka njoftuar se seanca do të mbahet me 21 dhjetor, ora 10.

Ish-kryetari i Bashkisë së Lushnjës, Fatos Tushe është arrestuar nga policia në muajin Korrik të këtij viti, me akuzën për ?shpërdorim detyre në bashkëpunim?.

Tushe u arrestua gjatë një operacioni të ndërmarrë me urdhër të SPAK, ku në pranga ranë edhe 10 zyrtarë dhe ish-zyrtarë, të cilët janë: Flamur Peqini, Xhemal Hasko, Blerta Turuku, Ani Simoni, Andri Mushaj, Margarita Gjermeni, Bujar Murati, Ibrahim Lami, Xhemal Hasko dhe Gazment Çela.

Këta të fundit akuzohen për veprat penale: ?Korrupsion pasiv i personave që ushtrojnë funksione publike?, ?Shkelja e barazisë së pjesëmarrësve në tenderë apo ankande publike?, ?Shpërdorim i detyrës? dhe ?Falsifikim i dokumenteve?.

Fatos Tushe para kandidimit për Bashkinë Lushnjë në 2011, ka shërbyer si deputet i Parlamentit për zonën e Fierit dhe si anëtar i Partisë Socialiste.

Ai ka qenë anëtar në Komisionin e Prodhimit, Tregtisë dhe Mjedisit, si dhe kryetar i bashkisë Lushnjë për vitet 2007?2009.

Pas vitit 2009, ai mori mandatin e deputetit, të cilin e mbajti deri në vitin 2011.

Më pas, ai dha dorëheqjen si deputet sepse kandidoi për bashkinë e Lushnjës në zgjedhjet lokale të vitit 2011.

Më 31 dhjetor të vitit 2019, kryebashkiaku Tushe dhe sekretarja e tij mbetën të plagosur, pasi ish-shoferi i tij, Gëzim Saraçi i hodhi një granatë në zyrë.

Në atë kohë për kapjen e Gëzim Saraçit, policia vuri në dispozicion 1 milionë lekë për këdo që jepte informacion të vlefshëm./E.S-CNA.al