web counter
LEXO PA REKLAMA!

SHKARKO APP

App Store
Google Play

E fundit!

x

“Berisha ka dy sfida”/ Topalli: Fenomeni Basha s’duhet të përsëritet

7 Dhjetor 2021, 19:42, Politikë CNA

Ish kryeparlamentarja, Jozefina Topalli deklaroi se lideri historik, Sali Berisha është sot  përballë dy sfidave.

E ftuar në emisionin ?Debat? me Alba Alishanin në A2 CNN, ajo shtoi se ish kryeministri duhet të arrijë mazhorancën brenda partisë dhe të hapë procesin që mos të përsëritet më një fenomen si Lulzim Basha, ashtu siç e quajti ajo.

?Unë besoj se Berisha ka dy sfida. Së pari, të arrijë mazhorancën brenda forcës politike, e cila do të verifikohet më datën 11. Duke realizuar shumicën mbyllet një fazë shumë e rëndësishme, ndryshimi i statutit, vendosja e disa mekanizmave garancie që situata të ndryshme të mos përsëriten më, pasi problemi nuk është emri i Bashës, por fenomeni që mendon se është zot i asaj force politike. 

Sfida e dytë, ai duhet të demonstrojë që është i aftë dhe do të bëjë një hapje procesi, ku do të demonstrohet se vota është votë dhe numërohet, se forumet duhet të jenë serioze dhe që çdo gjë duhet të realizohet përmes mazhorancave. Berisha ka një eksperiencë të jashtëzakonshme. Kur mendoj se pas 3 dekadave, ne jemi shumë më keq sesa kemi qenë në dekadën e parë, kjo është e trishtueshme. 

Ndaj dhe audienca shumë e surprizuar dhe të gjithë janë të hutuar edhe nga e majta. Kjo që po ndodh tregon se nuk është vrarë nervi brenda shoqërisë sonë për të reaguar kur sheh se po ndërtohet një lider autokratik?, tha Topalli./CNA.al





Lajmet e fundit nga