web counter
LEXO PA REKLAMA!

SHKARKO APP

App Store
Google Play

E fundit!

x

Basha i bindur/ “Demokratët kanë firmosur masivisht për 18 Dhjetorin”

7 Dhjetor 2021, 14:26, Politikë CNA

Kreu i PD Lulzim Basha gjatë një interviste televizive është shprehur se delegatët e PD kanë firmosur masivisht për të marrë pjesë në Kuvendin e thirrur prej tij më 18 dhjetor.

?Delegatët e PD masivisht kanë konfirmuar pjesëmarrjen në Kuvendin e 18 dhjetorit. Për çdo demokrat dhe demokrate, për të gjithë shqiptarët, mesazhi im është i qartë: të mos lejojnë të keqpërdoren për interesat vetjake, të kujdo qofshin këto. Por të bashkohemi kundër të keqes së madhe, që është Edi Rama dhe qeverisja e tij.

Pra, mesazhi im është të jemi bashkë në një betejë që e udhëheq Partia Demokratike që kam barrën dhe privilegjin t?i prij pas zgjedhjes time në një shumicë absolute me një anëtar një votë dhe  mos të biem  pre e agjendave personale, e problemeve personale, interesave personale as Sali Berishës as të askujt tjetër. Sepse në këtë kuadër ajo që  përshkrova më sipër nuk po bën gjë tjetër veçse një tub oksigjeni për regjimin e Edi Ramës të cilin nga ana tjetër Edi Rama vazhdon ta ushqejë ditë për ditë?, është shprehur Basha.

Ai sërish ka ripërsëritur deklaratën se Partia Demokratike ka një Kuvend me 18 dhjetor dhe ka bërë thirrje që kushdo që është i interesuar për një debat të shëndoshë, për një dialog të vërtetë mes demokratëve dhe mbi të  gjitha për të vendosur së bashku rrugën për të  ardhmen e vendit, rrugën për të ardhmen jo vetëm të Partisë Demokratike, por të gjithë shqiptarëve, Kuvendi i Partisë Demokratike është me 18 dhjetor./E.S-CNA.al





Lajmet e fundit nga