web counter
LEXO PA REKLAMA!

SHKARKO APP

App Store
Google Play

Kikia: PD duhet të bëjë për vete pjesën gri të votuesve

7 Dhjetor 2021, 19:23, Politikë CNA

Gazetari Mentor Kikia e ka quajtur Foltoren një demonstrim të dëshirës për demokraci.

I ftuar në emisionin “Debat” me gazetaren Alba Alishani në A2cnn, Kikia shprehet se Berisha duhet të hapë një proces ku shtyllat kryesore duhet të jenë riformatimi i ligjeve dhe një proces real zgjedhor.

Gjithashtu Kikia shton se PD që të vijë në pushtet nuk ka nevojë të ketë vetëm vota, duhet të bëjë për vete pjesën gri të partisë.

?Foltorja është zhvillimi më i madh politik. Është një përpjekje për të krijuar një standart të ri politik.

Unë do ta quaja foltoren një demonstrim të dëshirës për demokraci. Nëse do të jetë një demonstrim demokratik do të shihet pas 11 dhjetorit. Nuk mendoj se është e njëjta gjë rikthimi i Berishës me rikthimin e demokracisë. Mbetet për tu provuar se çfarë do të ndodhë në 11 dhjetor.

Nëse Berisha do të ketë largpamësi dhe do të ketë dëshirë dhe vullnetin të hapë një process me dy shtylla kryesore, riformatimin e ligjeve dhe proces zgjedhor real. Nëse Berisha do të mbajë një fjalim dhe do të thotë se unë jam tani sërish, PD ka mbaruar.

Deri më tani kemi parë pjesën festive dhe mbështetjen që ka marrë nga anëtarësia e PD. Edhe vetë ai është surprizuar nga mbështetja. Jam kritik se PD nuk kishte forcë të prodhonte energji të reja dhe ishte Berisha ai që e bëri këtë. Berisha mund ta fitojë betejën. Që PD të vijë në pushtet nuk ka nevojë të ketë vetëm vota, duhet të bëjë për vete pjesën gri të partisë.

Berisha nuk duhet të mjaftohet me faktin që u riktheva unë dhe mora PD, por duhet të vijë me një proces real zgjedhor?, ka thënë Kikia./ A.E-CNA.al 





Lajmet e fundit nga