web counter
LEXO PA REKLAMA!

SHKARKO APP

App Store
Google Play

A do të përfundojë pandemia e koronavirusit me variantin Omicron!?/ Mjeku publikon studimin

6 Dhjetor 2021, 09:56, Lifestyle CNA

Mjeku epidemiolog, Ilir Alimehmeti shkruan se pavarësisht përhapjes së variantit Omicron të koronavirusit në shumë vende të botës, deri tani nuk ka pasur asnjë raportim për raste të rënda.

Në një postim në faqen e tij në rrjetet sociale, epidemiologu ka shpërndarë një studim, ndërsa sqaron se sipas të dhënave paraprake pacientët e prekur kanë shumë më pak nevojë për ndërhyrje mjekësore.

Sipas Alimehmetit, në variantin Omicron është futur një sekuencë gjenetike e HCoV-229E, për të cilin theksoi se është një betakoronavirus i njohur prej kohësh që shkakton gripin e zakonshëm.

Ai thekson se kjo mund të jetë edhe baza e arsyes përse ndoshta njerëzit e njohin mirë këtë sekuencë dhe nuk zhvillojnë forma të rënda.

Ndërsa shtron pyetjen nëse mund të jetë ky varianti i virusit që do të përfundojë pandeminë duke qenë më i transmetueshëm, por i lehtë klinikisht, Alimehmeti thekson se për të zbuluar përgjigjen duhet pritur edhe një javë për të qenë më të sigurtë./CNA.al





Lajmet e fundit nga