web counter
LEXO PA REKLAMA!

SHKARKO APP

App Store
Google Play

Pas deklaratës së Gaz Bardhit se Monika donte të bëhej ministre e Brendëshme, pritet reagimi i Tit Vasilit

27 Nëntor 2021, 18:06, Politikë CNA

Sekretari i Përgjithshëm i PD Gaz Bardhi siluron sërish LSI-në, teksa ka thënë se Monika Kryemadhi donte që të bëhej ministre e Brendëshme pas zgjedhjeve.

Pritet tani me siguri reagimi i Petrit Vasilit, i cili si zakonisht është zëdhënësi i parë që reagon me forcën e fjalorit të tij tipik e pastaj me rradhë ai do të urdhërojë që të reagojnë Endit Brahimllari, Kejdi Mehmetaj, Erisa Xhixho dhe Silva Caka.
Kaq janë emrat që reagojnë se kaq kanë mbetur pas shkërmoqjes së LSI.
Reagon ndonjëherë edhe Elona Guri, po reagimet e saj janë pikante e me raste të veçanta.

Të gjithë këta të LSI-së do të na thonë se nuk është e vërtetë që Monika donte të bëhej ministre e Brendëshme dhe se e gjitha kjo është një shpifje e Gaz Bardhit.

Madje Petrit Vasili mund të na thotë se nuk ishte Monika, por ishte Meta ai që donte të bëhej ministër i Brendshëm dhe zëvendëskryeministër. Dhe për të na bindur për këtë mund të na shpërndajë edhe mesazhin që shpërndau para zgjedhjeve të 25 prillit ku thuhej se Meta do të bëhej zëvendëskryeministër dhe ministër i Brendshëm.

Kjo është sjellja e kësaj rrace me popullin që hall të madh ka se cilën ministri do marrin dhe kë do të lenë.

Ndaj zemërimi deri në neveri i qytetarëve ndaj Metës, Monikës dhe Vasilit të tyre jo vetëm është i përligjur por edhe shumë i motivuar.

Ata nuk meritojnë gjë tjetër përveç neverisë./CNA.al





Lajmet e fundit nga