E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Nishani akuza Bashës / “Po keqpërdor sakrificat e demokratëve për karrigen tënde”

27 Nëntor 2021, 11:46, Politikë CNA

Ish-presidenti Bujar Nishani ka akuzuar kreun e PD, Lulzim Basha se ky i fundit është i vetmi që ka vendosur interesin e tij personal, para interesit të PD-së.

Më tej ai ka shprehur se në vend që Basha t?i hapë rrugën një projekti të ri politik, mban me çdo kusht e çdo çmim karrigen e tij.

?Nëse ka një njeri në Partinë Demokratike sot, që ka vënë interesin e tij personal mbi interesin e Partisë dhe mbi interesin e demokratëve të këtij vendi, ai është Lulzim Basha.

Jo vetëm kaq ! Lulzim Basha ka keqpërdorur sakrificat, vuajtjet, dhunimin e anëtarëve të Partisë Demokratike për interesin e tij personal.

Këto nuk janë akuza politike por fakte fatkeqe.

A nuk i la Lulzim Basha, demokratët 12 (dymbëdhjet) vite në opozitë ?

A nuk janë penalizuar demokratët e këtij vendi, duke i lënë pa punë, pa bukë, pa shërbime për faktin e vetëm se janë demokratë e konsiderohen si armiq nga pushteti i Edi Ramës ?

A nuk sulmohen, shantazhohen e gjobiten pa fund demokratët e këtij vendi edhe në bisneset e tyre familjare me të cilat veç mbijetojnë, vetëm për shkak të përkatësisë së tyre politike ?

A nuk grabiten, shemben e rrënohen shtëpitë dhe bisneset e demokratëve pa kurrfarë ligji, të drejte e proçesi, prej rregjimit për t?jua dhënë tokën, pasurinë e tyre klientëve dhe grabitqarëve të qeverisë ?

A nuk është krijuar bindja totale tek e gjithë shoqëria, se me Lulzim Bashën nuk fitohen kurrë zgjedhjet ?

Në këto të vërteta të mëdha, Lulzim Basha nuk tërhiqet, ti hapë rrugën një projekti të ri politik në Partinë Demokratike, por mban me çdo kusht e çdo çmim karrigen e tij, duke vënë mbi gjthshka interesin e vet personal!

Kur ky interes i tij personal shkon drejtpërdrejt në shërbim të interesit të rregjimit të Edi Ramës, duke përjetësuar pushtetin e tij mbi demokratët, ky interes i Lulzim Bashës bëhet edhe i poshtër!

Të ringremë PD, për të shpëtuar Shqipërinë!?, shkruan Nishani në rrjetin social Facebook./CNA.al