web counter
LEXO PA REKLAMA!

SHKARKO APP

App Store
Google Play

E fundit!

x

"Open Ballkan", Rama: Më mirë që jemi shqiponjë me dy koka, ruajmë nga të dyja anët/ Kurti gajaset së qeshuri

26 Nëntor 2021, 11:49, Politikë CNA

Projekti ?Open Ballkan?, nuk kishte si të mungonte në konferencën për shtyp të dy kryeministrave Edi Rama-Albin Kurti.

Rama është pro këtij projekti, ndërsa Kurti kundër dhe nuk e ka përkrahur deri më tani.

?Mendimi i Shqipërisë, i kësaj Qeverie, mendimi im, nuk është as sekret dhe as i panjohur. Është i njëjti mendim që unë e kam shprehur dhe në mes të Beogradit, sa i takon Ballkanit të Hapur kemi dy qasje të ndryshme, nga ana tjetër të gjithë duhet të mësohemi, që mund të mos mendojmë njësoj për të gjitha gjërat, kjo nuk na pengon që të bëjmë gjërat e duhura për vendet tona. Këto opinione të ndryshme nuk përbëjnë asnjë pengesë për të fuqizuar marrëdhëniet mes nesh, dhe nëse më lejoni ti referohemi shqiponjës me dy koka.

Trupi qëndron drejt, prandaj mos kini asnjë dyshim se shqiponja me dy koka mund të kapet në befasi, pasi kontrollon me sy nga të dyja anët. Është vlerë e shtuar, kur të jemi me një kokë, rreziku është që më shumë të kafshojmë veten. Unë personalisht jam optimist pqër zhvillimin e marrëdhënieve tona, për angazhimin që kemi vendosur bashkarisht. Mos prisni kurrë që mes meje dhe Albinit debatet të jenë të mbyllura, është fiziologjia e njerëzve që nuk rrinë dot pa u menduar?, ka thënë Rama, duke bërë që Albin Kurti të qesh me zë të lartë.

Ndërsa ky i fundit tha se këto takime dëshmojnë Shqipëria dhe Kosova mund të dakordohen pa e përmendur fqinjin verior të Republikës së Kosovës

?Këto takime dëshmojnë që Shqipëria dhe Kosova mund të dakordohen pa e përmendur fqinjin verior të Republikës së Kosovës. Ajo çfarë bëmë ne sot është liberalizimi i kufirit për qytetarët dhe bashkëpunimi i zyrtarëve, kufiri po relativizohet për qytetarët dhe po shtojmë bashkëpunimin, meqë është përgjegjësi e jona?, është shprehur Kurti./CNA.al





Lajmet e fundit nga