web counter
LEXO PA REKLAMA!

SHKARKO APP

App Store
Google Play

E fundit!

x

PD thirrje institucioneve/ “Mos pengoni punën e komisionit hetimor për inceneratorët”

26 Nëntor 2021, 10:50, Politikë CNA

Partia Demorkatike përmes deputetes Ina Zhupa i ka bërë thirrje institucioneve publike dhe private që të mos pengojnë punën e komisionit hetimor për inceneratorët.

PD kërkon të paraqitet pa asnjë vonesë çdo informacion i kërkuar nga opozita.

Ndër të tjera Zhupa shkruan se Partia Demokratike do të vazhdojë këtë betejë për tiu treguar shqoipatërve se qeveria ka vjedhur votat dhe taksat e tyre.

?Partia Demokratike u bën thirrje institucioneve publike dhe private të mos pengojnë punën e komisionit hetimor për incineratorët, por të sjellin pa vonesë çdo informacion të kërkuar nga opozita. Që prej mesit të vitit 2017 kemi denoncuar dhe publikuar çdo detaj të transaksioneve mafioze të qeverisë për këtë superaferë korruptive.

Kur të tjerët heshtnin, PD u tregoi shqiptarëve për 4 vjet me radhë së paratë e taksave të tyre, 430 milionë euro,  po shkonin në parajsa fiskale, në incineratorë që nuk ekzistojnë, në kryeveprën e korrupsionit të Edi Ramës.

Kur të tjerët heshtnin, PD ka dorëzuar disa kallëzime penale në SPAK kundër Edi Ramës, Arben Ahmetajt, Erion Veliajt, Lefter Kolës, Klodian Zotos dhe Mirel Mërtirit.

Kur të tjerët heshtnin, ne, si përfaqësues të PD jemi përplasur me ortakët e Edi Ramës tek incineratorët dhe sot jemi në gjyq me ta.

 Ndërtimi i incineratorëve më Tiranë, Fier dhe Elbasan, ka patur si kundërshtar vetëm 1 ministër të qeverisë së Edi Ramës. Shkëlqim Cani u largua nga detyra e Ministrit të Financave vetëm pse kundërshtoi incineratorët. Çdo ministër tjetër i qeverisë së Edi Ramës, përfshirë 2 nga ministrat e LSI-së tek Mjedisi dhe Drejtësia, kanë punuar, kanë pranuar dhe kanë votuar për ndërtimin e incineratorëve.

 Lotët e krokodilit për qëllim të luftës personale politike nuk i beson askush!  PD do ta vazhdojë këtë betejë, që e bën e vetme prej më shumë se 4 vjetësh, për t?u treguar shqiptarëve se një qeveri që vjedh votat e tyre, vjedh edhe taksat e tyre. Një qeveri e tillë meriton vetëm të largohet!?, shkruhet në postimin e deputetes Ina Zhupa./ CNA.al





Lajmet e fundit nga