web counter
LEXO PA REKLAMA!

SHKARKO APP

App Store
Google Play

"Projekte infrastrukturore të vonuara"/ Rama ironizon gazetarët: Nuk janë shto ujë e shto miell, si editorialet që bëni ju

25 Nëntor 2021, 21:49, Politikë CNA

I pyetur nga gazetarët se si mund t?i justifikojë qeveria shpenzimet prej 8 mdl lekësh, Rama renditi disa nga projektet dhe shërbimet e vëna në shërbim të qytetarëve.

Ai u replikoi me ironi akuzave të gazetarëve se projektet janë tepër të vonuara, duke shprehur se këto projekte nuk janë si editorialet apo analizat e tyre ekonomike.

“Investimet tek rruga e Kombit nga buxheti i qeverisë nuk lidhen me koncesionarin. Janë investime të tjera, dy gjëra të ndryshme.

Kemi bërë dializën me standarde optimale falas. Rëndësi ka që njerëzit të operohen me instrumenta të sterilizuar, tjetër gamë janë laboratoret, check up që u ndërpre për shkak të pandemisë. Cilat lekë do kthesh mbrapsht kur këto i bën për t?u shërbyer njerëzve? Mjafton që njerëzit të marrin shërbim falas.

Edhe tek tuneli i Kalimashit janë bërë investime të reja. Turp të masësh punën e qeverisë me tunele. Që nga rrruga deri në Vermosh, Theth, është në kantier rruga Shëngjin Velipojë, sot shkon në Vlorë normalisht. Nuk jam në garë me doktorin. Në dt. 29 e ftoj të bëjë një xhiro tek rruga e Arbrit.  

Është bërë një by pass i përkohshëm sepse puna në tunel është në avancim. Vijmë tek rruga Kardhiq-Delvinë. Veprat e mëdha nuk bëhen siçbëhen editorialet e analizat ekonomike që bëni ju.

Që ta dini mirë, që ta mësoni dhe këtë, Gjermania një vepër publike e ka 10 deri më 15 vjet. Nuk janë rrugë me 7 palë qejfe, shto ujë e shto miell. Ju harroni se rrugët janë financim, një mandat i tërë ka shkuar për të mbushur gropat. Harroni në ça grope të zezë ishte energjia”, tha Rama./CNA.al





Lajmet e fundit nga