web counter
LEXO PA REKLAMA!

SHKARKO APP

App Store
Google Play

E fundit!

x

Database me të dhënat/ Rama gazetarëve: Organet e hetimit do të tregojnë nëse është e manipuluar apo “bio”

25 Nëntor 2021, 20:13, Politikë CNA

Kryeministri Edi Rama ka mohuar kategorikisht akuzat se database e publikuar në media, me të dhënat e qytetarëve, është e Partisë Socialiste, e aq më tepër që AKSHI të ketë dhënë të dhëna për ta.

I ftuar në emisionin ?Të pakespozuarit? në MCN Tv me Ylli Rakipin, Rama theksoi se në fakt është hakëruar database e PS dhe mbi të është punuar, duke  bërë kështu që të krijohej konfuzion në publik.

?Së pari ajo që ka dalë, e ashtuquajtura ?database e PS? nuk është database e PS. PS ka një database dhe jo disa dhe kjo është kombëtare e PS dhe i ka të ndara sipas qarqeve. Është bërë një hetim i thelluar nga Komisioneri i Mbrojtjes së të Dhënave Personale, kanë ardhur në PS, kanë bërë të gjithë punën e tyre.

Nga dokumenti i tyre del qartë që skemi të bëjmë me asnjë cënim të dhënave personale. Database që ka dalë është e manipuluar që të krijojë këtë konfuzion. PS nuk ka në database-n e tij kartë ID sepse nuk kanë çfarë na duhen.

Ka dilemë, por nuk ka fakt. AKSHI nuk ka dhënë kurrë të dhëna të vetat për PS. Njerëz jashtë shtetit që kanë aplikuar nëpër ambasada dhe kanë dhënë numrin e tyre të telefonit, çlidhje kanë me AKSHI?  Nuk është e vërtetë.

Ajo që keni nxjerrë ju është database e manipuluar për këtë qëllim që është përdorur. Është kollaj fare të manipulosh. Patronazhistët janë ata që janë dhe unë jam shumë krenar për ta. Nuk ka karta ID në database-n tonë.

Gjëja më e denjë që duhet të bënit ishte të shkonit në organet e hetimit, dorëzoni atë bazën e të dhënave që keni përdorur dhe duket kollaj fare nëse keni ndërhyrë apo është ?bio?. Janë shtuar shumë gjëra aty. Aty është hakëruar nga database jonë dhe është përdorur për të kryer këtë konfuzion. Dorëzojini në organet e hetimit atë GPS apo disk që keni përdorur?, tha Rama./CNA.al





Lajmet e fundit nga