E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Rama përplasje me gazetarët/ Regjimi?! Të ishte regjim ky…

25 Nëntor 2021, 20:32, Politikë CNA

Kryeministri Rama deklaroi se Partia Socialiste kishte në projeksionin e saj 74 mandate, por e kundërta ndodhi kur nuk u mor nga një mandat në Tiranë, Durrës dhe Elbasan.

I ftuar në emisionin ?Të paekspozuarit? me Ylli Rakipin në MCN Tv, ai theksoi se heqja e formulës së koalicioneve nuk u bë për përçarjen e opozitës, por thjesht u hoq nga ligji një “anomali”.

?Ne kemi humbur 3 mandate. 74-a është minimumi nën të cilin ne nuk kishim asnjë shans aritmetik të binim, bazuar në aritmetikën tonë. Në Berat dhe në Durrës kemi marrë rezultatin fiks siçe kishim parashikuar. Nuk mund të them të njëjtën gjë për Tiranën, Dibrën dhe në mos gaboj Elbasanin, ku kemi humbur nga një mandat.

Ne nuk ndamë opozitën, thjesht hoqëm nga ligji një anomali. Asnjëherë askush nuk na ka sjellë një vend të botës ku votohet që të ketë një formulë koalicioni si ajo që ishte.

Ne thjesht hoqëm atë dhe jo mundësinë opozitës të bënte koalicion. Ajo ishte një anomali shqiptare e panjohur në botë. Aty nuk bëmë ndonjë kalkulim të madh se edhe me atë e pa atë ne zgjedhjet do t?i fitonim?, tha Rama.

Përplasjet me gazetarët vijuan, teksa Rama u përball me akuza të shit-blerjes së votave, të cilat i hodhi poshtë me argumentin se partitë e mëdha nuk kanë nevojë të blejnë vota.

?Sondazhet masin elektoratin. Më trego një sondazh që ka nxjerrë fitues PD-në dhe Lulzim Bashën? Asnjë!

Ka patur shitblerje votash, por jo nga PS-ja. Nuk blejnë partitë e mëdha vota, fiksojeni këtë gjë se nuk funksionon.

Jeni fiks në atë situatën kush nuk di për çfarë ta përdorë lirinë e fjalës, ankohet për mungesën e saj. Regjimi?! Të ishte regjim ky…

Pse e nxorrët opozitën Shkullak nga Kuvendi? E nxitët e përse e bëtë? Çfarë i bëtë regjimit që nxorrët opozitën nga Parlamenti dhe tani viheni ankoheni?! Nëse do ishte regjim as do ta llogariste fare opozitën jashtë parlamentit, për diçka që bëhet në parlament. I morëm në konsideratë dhe nga ana tjetër ju i ankoheni regjimit. Si mendoni, ta linim pa marrë atë që lanë ata rrugëve?

Atë opozitën që kishim në Parlament, e sollëm ne? Erdhën nga listat tona? I bëri regjimi? Ore kush i solli në Parlament? ?, Rama vijoi përplasjet me opinionistët./CNA.al