web counter
LEXO PA REKLAMA!

SHKARKO APP

App Store
Google Play

Tensione në PD e Fierit/ Luan Baçi denoncon: Kanë thyer bravën e derës, hynë si hajdut

25 Nëntor 2021, 19:25, Politikë CNA

Derës së selisë së PD në Fier i janë hequr bravat e derës. Kështu ka deklaruar deputeti Luan Baçi, i cili në një intervistë për emisionin ?Zona Zero? në Top News, Baçi deklaroi se bashkë me anëtarë të seksionit të PD-së Fier bënë denoncim në polici.

Por kryetari i komanduar i PD në Fier, Agron Kapllanaj u shpreh se zyra është  marrë në dorëzim më procesverbal.

?Zyrën e Partisë Demokratike, dega Fier e kam marrë në dorëzim nga funksionarë të PD-së në qendër, të cilët kanë ardhur me një procesverbal dhe më kanë dhënë edhe çelësat, por edhe bazën material?, ka deklaruar ai.

Luan Baçi tha se ky është një veprim i turpshëm dhe një ?hakmarrje? e Lulzim Bashës ndaj tij.

?Policia ka pasur informacion paraprak për ngjarjen. Policia ka shkuar tek zyra dhe ka parë. Policia ka reaguar me vonesë për ngjarjen. Kush ka ardhur nga qendra (Tirana) të dorëzojë zyrën e deges së Fierit, ka shkelur ligjin. Nuk mund të vijë dikush nga Tirana të shqyeje derën dhe të futet brenda, qoftë edhe Lulzim Basha. Kjo ka nisur që me shkarkimin që më bëri Lulzim Basha. Është një veprim i turpshëm, është bërë natën si hajdutët?, tha ai.

Krisja e Luan Baçit me Lulzim Bashën, nisi pas ai u shfaq në ?Foltoren? e Sali Berishës në Fier./CNA.al





Lajmet e fundit nga