web counter
LEXO PA REKLAMA!

SHKARKO APP

App Store
Google Play

Ristani tregon të vërtetën/ Alibeaj si jurist i PD kërkoi rivlerësimin e votave të hedhura gabim

18 Nëntor 2021, 22:06, Politikë CNA

Gjatë debatit në emisionin “Opinion” më në fund Arben Ristani zbulon se nga i erdhi në 2011 kërkesa për votat e hedhura gabim.
Ristani zbuloi se ajo kërkesë i shkoi nga juristët e PD.

Ristani ka zbuluar se si nisi në KQZ, nisma për rivlerësimin e votave të hedhura në kutitë e gabuara n? zgjedhjet për Bashkinë e Tiranës ne votin 2011.

Nga ai proces startoi fitorja e Lulzim Bashës si Kryetar i Bashkisë së Tiranës.

Dialogu i Ristanit me drejtuesin e Opinion:

Fevziu: Do më thuash një të vërtetë? Respektove vërtet ligjin atëherë, apo bëre ndonjë truk?

Ristani: Në mënyrë absolute po. Aq e vërtetë është, saqë vota në kutinë e gabuar është e ligjshme dhe është futur në ligj pas asaj praktike që unë veprova. Ai ishte një referencë direkt te Kushtetuta.

Fevziu: Kush ta kërkoi ta bëje këtë interpretim?

Ristani: Sigurisht që kërkesa ka ardhur nga juristët e PD-së. Ata u ankuan dhe ata kishin verifikuar .

Fevziu: Ndonjë telefon, ndonjë gjë kështu?

Ristani: Ju betohem që me Berishën kam patur vetëm një takim kur erdhi Gloveri, dhe nuk kam patur asnjë takim tjetër gjatë 4 viteve që kam qenë kryetar i KQZ-së./CNA.al





Lajmet e fundit nga