web counter
LEXO PA REKLAMA!

SHKARKO APP

App Store
Google Play

E fundit!

x

“Në PD ka gra të zgjuara që nuk promovohen”/ Kokalari: Duma është hipokrite, s’ka fituar asnjë betejë zgjedhore

18 Nëntor 2021, 20:13, Politikë CNA

Aktivistja Evi Kokalari ka folur për përplasjet e saj me deputeten e PD Grida Duma.

Në një intervistë për emisionin ?Çim Peka Live? në Syri Tv u shpreh se Duma është e privilegjuar në PD dhe luftohet çdo grua tjetër që është kundër saj.

Kokalari sqaroi gjithashtu se nuk është xheloze për Grida Dumën, ndërsa shtoi se PD ka edhe gra të tjera të bukura edhe më të zgjuara, por që nuk promovohen.

“Morali dhe politika janë të gërshetuara. Sa herë që unë nxirrja në pah diçka që ajo bënte, gjithmonë jam sulmuar se isha xheloze për Grida Dumën. Pasi kam bërë dhe disa postime të tjera, ka patur individë edhe në PD që më kanë thënë falemiderit shumë se ne nuk flisnim dot, se sa herë ngrinim zërin na thoshin jeni xheloze. Pra, luftonin çdo njeri që ishte kundër Grida Dumës.

Mua Grida Duma më është dukur hipokrite. Fakti që nuk ka fituar asnjë palë zgjedhje, vazhdon të jetë deputete me listat e sigurta që është një skandal dhe fakti që është një njeri që e nxjerrin në çdo emision, nxjerrin bukurinë e saj, flet mirë edhe pse mua më duken boshe. Ajo flet 20 minuta dhe nuk thotë asgjë, gjithmonë ka bërë gafa.

Atë gjithmonë e kanë shfrytëzuar, prandaj edhe e kanë bërë deputete. Thonë shumë gra sot në PD që kishim turp që Grida Duma ishte prezantuesja e figurës së PD. Dhe këtu vijmë te morali. Ajo nuk ka as moralin, nuk ka fituar asnjë palë zgjedhje dhe nuk duhet të ishte deputete. Ka plot femra të bukura në PD dhe nuk i lënë të flasin“, u shpreh Kokalari./CNA.al





Lajmet e fundit nga