web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Bardhit për Berishën/ Strazimiri: Pafytyrësi, ka rënë në nivelin e Ramës dhe Ballës

18 Nëntor 2021, 20:41, Politikë CNA

Sekretari i përgjithshëm i PD Gazmend Bardhi u shpreh ditën e sotme se firmat në Elbasan për mbajtjen e Kuvendit në 11 dhjetor i ka mbledhur Suel Çela.

Kjo deklaratë është rrëzuar nga ish deputeti i PD Gent Strazimiri, i cili u shpreh se akuzat e Bardhit ngjajnë si të Taulant Ballës e të Edi Ramës.

Në një intervistë për emisionin ?Çim Peka Live? në Syri Tv, ai shtoi se të akuzosh Sali Berishën për lidhje me krimin është pafytyrësi.

?Besoj se Noka i dha përgjigjen e saktë Gazmend Bardhit. Basha ka vetëm retorikë. Akuzat alla Taulant Balla janë për të ardhur keq. Zoti Bardhi nuk është i qartë kur flet, se tjetër gjë propozon. Gazmend Bardhi ka thënë qartë se Kryesia nuk është e shtrënguar të marrë vendim, duke u shprehur se duhet periudhë reflektimi e mblidhemi prapë për të vendosur. Të denoncosh Berishën është absurde, sepse Sali Berisha është i pari që ka denoncuar çdo krim e kriminel në vend.

Kanë rënë në pozitat e pafytyrësisë, duke rënë në nivelin e Ramës dhe Ballës. Edhe Rama e Balla nuk e kanë bërë këtë gjë. Berisha, që është njeriu që ka qenë në PD për 30 vjet dhe e ka bazën me vete, të akuzohet për lidhje me krimin është e rëndë dhe mbi të gjitha zoti Berisha nuk ka nevojë për këtë gjë, sepse ka mbështetjen e anëtarëve të PD-së?, deklaroi Strazimiri./CNA.al





Lajmet e fundit nga