web counter
LEXO PA REKLAMA!

SHKARKO APP

App Store
Google Play

E fundit!

x

Luli gënjen/ Krerët e degëve të PD kundër 18 dhjetorit

17 Nëntor 2021, 21:30, Politikë CNA

Lulzim Basha, përmes sekretarit të tij të besuar Gaz Bardhi deklaruan sot se nga 71 krerë degësh, vetëm 5 ishin kundër mbajtjes së Kuvendit Kombëtar në datën 18 dhjetor, të thirrur nga vetë Luli.

Bardhi, në dale për media, deklaroi se dega e PD-së në Vlorë, Fushë Krujë, Devoll, Paskuqan dhe njësia numër 1 në Tiranë kanë kërkuar që Kuvendi të mbahet në datën 11 dhjetor kur është thirrur nga delegatët.

Por sa e besueshme është një deklaratë e tillë? As Bardhi dhe as Basha nuk bënë publike procesverbalin e mbldhjes për të treguar firmat e krerët që mbështesinin 18 dhjetorin apo ata që kanë dalë kundër.

Por ajo që ra në sy ishte se sipas deklaratës së Bardhit,PD e Fierit dhe ajo e Gjirokastrës ishin pro tyre. Që në fakt është krejt e kundërta pasi si Luan Barçi ashtu edhe Dash Aliko kanë dalë publikisht në mbështetje të Foltores së Berishës dhe kundër 18 dhjetorit. Po ashtu, edhe PD e Durrësit është kundër Bashës, përveç Ferdinand Xhaferrajt, që do rregullonte cilësinë e Diellit dhe të rërës që mbështet Lulim.

E pra, në përpjekje për të mbajtur të fshehtë e në tym si punë e strucit gjithë sa po ndodh ndër radhët e panikut administrativ, Basha i cili ka ngelur pa antarësi dhe vetëm me vulë gënjen sërish. Shërimi nga lëngata e mbetjes në opozitë është data 11 dhjetor dhe 12 dhjetor që do u rikthejë demokratëve institucionin e votës brenda vetes dhe për rrjedhojë edhe lirinë./CNA.al





Lajmet e fundit nga