web counter
LEXO PA REKLAMA!

SHKARKO APP

App Store
Google Play

Nga ujësjellësit tek Bypass i Vlorës/ Balluku: Hapet rruga për ndërtimin e projekteve të reja

10 Nëntor 2021, 09:28, Politikë CNA

Ministrja e Infrastrukturës dhe Energjisë, Belinda Balluku në fjalën e mbajtur deklaroi se Qeveria ka miratuar 3 vendime për shpronësimet e banorëve që preken nga ndërtimi i infrastrukturës, në Vlorë, Patos dhe Roskovec.

?Kaloi 3 akte që janë të lidhur me shpronësimet në Bypass e Vlorës për të përfunduar punën e nisur në fillim sezonit veror 2022, shpronësimet në Patos për të vazhduar me projektin e shëtitores në kuadër të rilindjes së qytetit dhe në Roskovec që lidhet me punimet për ujësjellësin?, shprehu Balluku.

Më tej ajo nuk la pa përmendur as reformën e thellë që do të prekë ujësjellësit, për të ofruar shërbime sa më cilësore.

 ?Në Roskovec është pjesë e strategjisë për të investuar në të gjithë ujësjellësit në Shqipëri. Ne kemi nisur një reforme të thellë të sektorit që do të përfundojë brenda 12 muajsh dhe do të nis një mënyrë të re menaxhimi. 

Fondet e investuara në sektorin e ujit kanë rritur kushtet teknike të ujësjellësve, por nuk janë indikatorët që ne prisnim pas punës dhe shumës së madhe të investuar.

Pa cenuar pushtetin vendor, por duke pasur parasysh që shërbimet cilësore janë prioritet dhe do të nisim reformë për sektorin e ujit për të rritur menaxhimin në secilën Bashki?, shtoi Balluku./CNA.al





Lajmet e fundit nga