web counter
LEXO PA REKLAMA!

SHKARKO APP

App Store
Google Play

E fundit!

x

Vettingu i deputetëve/ Tabaku: Nuk është iniciativë e re e PD, duhet vullnet politik

9 Nëntor 2021, 21:19, Politikë CNA

Vettingu i politikanëve, si një nga nismat e PD është diskutuar mbrëmjne e sotme nga nënkryetarja e kësaj partie Jorida Tabaku. Në një intervistë për media, Tabaku është shprehur se nuk është një iniciativë e re e Partisë Demokratike pasi lidhet me zgjedhjet, lidhet me dekriminalizimin dhe PD e ka nisur betejën para 7 vitesh.

?Ka shumë parlamentarë të zgjedhur që kanë lidhje me krimin, të cilët nuk kanë qenë vetë në vetën e parë të përfshirë, por kanë lidhje familjare që pasuritë e tyre janë vendosur si rezultat i lidhjeve familjare dhe nuk ka asnjë të keqe që atë parim që ne kemi për sistemin e drejtësisë ta përkthejë në parime solide edhe për politikanët. Propozimi për Vettingun në politikë pa pikërisht këto parime bazë. Nuk kemi asnjë kompleks që ne të jemi të hetuarit e parë, nuk kemi asnjë kompleks që kjo të ndodhë edhe nga SPAK. Është e vërtetë që SPAK mund të ketë nevojë për përforcim kapacitetesh, por është i vetmi institucion i  cili mund të marrë masa dhe të shërbejë si filtër për Vettingun e politikanëve?, tha ajo.

Tabaku u shpreh se kjo çështje ka të bëjë vetëm me vullnetin politik. Sipas saj, Vettingu në politikë e plotëson hetimin e pasurisë që bën Instituti për deklarimin e pasurive.

?Çdo raport për korrupsionin tregon që lidhjet e krimit dhe korrupsionit kanë arritur deri në politikë, po imponojnë punën e Parlamentit, po ndikojnë te të zgjedhurit si vendorë ashtu dhe qendrorë. Unë nuk besoj se ka prioritet më të madh për Shqipërinë se sa cenimi i këtyre parimeve të demokracisë?, tha ajo.

Sipas Tabakut, detyra kryesore e SPAK është hetimi i korrupsionit dhe për këtë arsye është ngritur, për hetimin e korrupsionit në nivel të lartë./CNA.al





Lajmet e fundit nga