web counter
LEXO PA REKLAMA!

SHKARKO APP

App Store
Google Play

“Berisha është hipoteka e PD”/ Këlliçi: I vetmi instrument për të nxjerrë partinë nga kriza

9 Nëntor 2021, 19:59, Politikë CNA

Kreu i FRPD dhe deputeti Belind Këlliçi komentoi krizën në PD dhe pse shumica e demokratëve ka kthyer sytë nga Foltorja e ish kryeministrit Sali Berisha.

Në një intervistë për emisionin Now me Erla Mëhilli në Euroneës, Këlliçi deklaroi se Basha po shet hipotekën e shtëpisë së tij, siç e cilëson ai Berishën në PD, ndërsa tha se ish kryeministri është instrumenti i vetëm për të nxjerrë partinë nga kriza e brendshme dhe për tu dëgjuar një zë ndryshe.

?Nëse në datën 9 shtator flitej për meritat e Sali Berishës, befas sot, dy muaj më pas ne dëgjojmë që Berisha është tub i oksigjenit të Edi Ramës.

Kur ka nisur kjo përballje kam mbajtur këtë qëndrim, ai po përballet vetë me vebdimin e DASH. Basha të zbresë në terren të flasë me demokratët dhe të sqarojë vendimin e tij. Kuvendin duhet ta thërriste Basha. Të shesësh hipotekën e shtëpisë tënde është shumë e keqe. Sali Berisha është hipoteka e PD. Fakti që ne kthehemi te Berisha si zgjidhje për krizën në PD është problemi i Berishës dhe pastaj i Bashës.

Berisha është i vetmi instrument për të dëgjuar një zë kritik dhe për të pasur një mendim ndryshe?, tha Këlliçi./CNA.al





Lajmet e fundit nga