LEXO PA REKLAMA!

SHKARKO APP

Theu arrestin e shtëpisë/ Arrestohet i riu në Fier

4 Nëntor 2021, 14:54, Aktualitet CNA

Policia e Fierit ka vënë në pranga 38 vjeçarin me iniciale S.S, i cili theu arrestin e shtëpisë.

Përmes një njoftimi, blutë e qytetit bëjnë me dije se në makinën në të cilën udhëtonte 38 vjeçari iu kap edhe një sasi me lëndë narkotike canabis sativa.

Njoftimi i policisë:

Fier/Theu masën e sigurisë “Arrest shtëpie” dhe u kap nga shërbimet e Policisë me lëndë narkotike me vete, vihet në pranga 38-vjeçari.

Specialistët e Seksionit për Hetimin e Narkotikëve në DVP Fier arrestuan në flagrancë shtetasin S. S., 38 vjeç, banues në Fier, pasi gjatë kontrollit të ushtruar nga Forca e Posacme “Shqiponja” në automjetin me të cilin ky shtetas udhëtonte, iu gjet një sasi e vogël lëndë narkotike cannabis sativa. Për këtë shtetas Gjykata e Shkallës së Parë Fier ka caktuar masën e sigurisë  “Arrest shtëpie” për veprën penale “Prodhimi dhe shitja e narkotikëve”.

Divjakë/Kundërshtoi me dhunë punonjësit e Policisë dhe i kanosi për jetën, arrestohet në flagrancë 44-vjeçari.

Nga Oficeri i Policisë Gjyqësore pranë Prokurorisë së Rrethit Gjyqësor Lushnjë, u arrestua në flagrancë shtetasi E. Gj., 44 vjeç, banues në Divjakë, pasi ka kundërshtuar duke ushtruar dhunë fizike dhe ka kanosur për jetën punonjësit e Policisë së rendit publik gjatë kryerjes së detyrës.

Materialet i kaluan Prokurorisë, për veprime të mëtejshme./CNA.al

Lajmet e fundit nga