web counter
LEXO PA REKLAMA!

SHKARKO APP

App Store
Google Play

E fundit!

x

“Kemi ardhur për çështjet e policisë"/ Ambasadorja e SHBA “kyç” gojën për Vettingun

4 Nëntor 2021, 10:41, Aktualitet CNA

Ambasadorja e SHBA në Tiranë, është takuar sot me Drejtorin e Përgjithshëm të Policisë së Shtetit, Gledis Nano.

Ky është edhe takimi i parë zyrtar, mes ambasadores amerikane dhe kryepolicit Nano, i cili mori detyrën e re më 7 Tetor.

Ndërkohë në një prononcim për mediat, pas takimit ambasadorja Kim, ka dhënë detaje në lidhje mbi atë çfarë është diskutuar.

Ambasadorja Kim nuk ka pranuar të japë asnjë lloj komenti në lidhje me situatën politike.

E pyetur në lidhje me kërkesën e mazhorancës për të shtyrë afatet e organeve të Vettingut, ambasadorja Kim tha se ?Kemi ardhur këtu për të folur për çështjet e policisë?.

Ajo vuri theksin tek ruajtja e integritetit të Policisë së Shtetit dhe të shmanget çdo lloj influence nga jashtë.

?Kisha një takim shumë të mirë me Zotin Nano.

Për ne bashkëpunimi mes Shqipërisë dhe SHBA për çështjet e ligjzbatimit mbetet i rëndësishëm. Dhe ne do të vazhdojmë të forcojmë dhe të japim mbështëetje sa më shumë të jetë e mundur.

Policia duhet të ruajë dhe të rrisë besimin e publikut në integritetin e tyre.

Zoti Nano dhe unë jemi mbështetës të fortë të prezencës së policisë. Dhe gjithashtu e dimë që Policia e Shtetit ndërmerr reziqe të mëdha edhe duke humbur jetën e tyre për të ruajtur ligjin dhe rendin.

Diskutuam edhe rëndësinë sesi ligjzbatimi të mbetet i ruajtur nga çdo lloj influence që vjen nga jashtë.?.-tha Yuri Kim./CNA.al





Lajmet e fundit nga