web counter
LEXO PA REKLAMA!

SHKARKO APP

App Store
Google Play

E fundit!

x

Skepticizmi mbi “Open Balkan”/ Dimitrov: Në Tiranë do të deklarojmë fitoret e deritanishme

4 Nëntor 2021, 11:25, Politikë CNA

Zëvendëskryeministri i Maqedonisë së Veriut, Nikolla Dimitrov gjatë konferencës së përbashkët me kryeministrin Edi Rama dhe presidentin serb, Aleksandër Vuçiç, deklaroi se në dhjetor në Tiranë do të shpalosen fitoret e deritanishme të nismës.

Më tej ai theksoi se  sa më të vendosur të jenë për të ecur përpara, aq më të besueshme do të bëjnë nismën edhe për vendet e tjera

“Bashkëpunimi rajonal është një zgjedhje e zgjuar, zgjedhja e duhur dhe zgjedhja evropiane. Rëndësia që Maqedonia e Veriut i jep kësaj nisme është pikërisht në këtë drejtim. Kjo nismë synon që të ndërtojë solidaritet duke u zhvilluar, duke ndërtuar një treg të përbashkët rajonal.

Gjithçka do të realizohet vetëm me vullnet politik që duhet të përkthehet në zgjidhje legjislative, çka do të thotë marrëveshje ndërkombëtare. Ne kemi hapur bisedime të sinqerta me bizneset. Ata humbasin shumë me procedura burokratike. Në Tiranë do të deklarojmë fitoret e deritanishme.

Është shumë e rëndësishme që nisma të mbetet e hapur për të gjitha vendet e rajonit. Besoj se sa më të vendosur të jemi për të ecur përpara aq më të besueshme do të bëjmë nismën edhe për vendet e tjera”, shprehu Dimitrov./CNA.al





Lajmet e fundit nga