web counter
LEXO PA REKLAMA!

SHKARKO APP

App Store
Google Play

“Deputetë në rolin legenit”/ Manjani i përvishet Bashës dhe grupit të tij

4 Nëntor 2021, 08:06, Politikë CNA

Ylli Manjani, ish-Ministri i LSI, deklaron se kreu i PD-së Lulzim Basha është i mbaruar dhe vetëm ndonjë Pazar me kryeministrin Edi Rama mund ta shpëtojë.

Manjani i referohet Bashës si dështak, ndërsa analizon faktet që e mbajnë atë ende në lojë.

?Këmba e vetme me të cilën qëndron ende në lojë Lulzim Basha është grupi parlamentar. Është këmbë me kockë të krisur, por që ende e mban në lojë Lulin.

Kjo këmbë kockëkrisur që i jep valencë politike ende dështakut. Valencë e cila vlen vetëm për ndonjë pazar me Ramën. Asgjë më shumë!

Këmba tjetër me të cilën Luli rihyri në lojë ishte anëtarësia e PD. Por atë e humbi?, shkruan Manjani në rrjete sociale.

Sipas Manjanit, deputetët e kanë në dorë ta shpejtojnë heqjen e Lulit nga loja, nga pazari.

?Ata nuk e mbajnë dot në parti, por thjesht në pazar politik.

Në këtë pazar, mund të ketë ndonjë deputet ?hallexhi? që zgjidh hallin, por shumica janë thjesht në rolin e legenit. Legenit kur pazarxhinjtë lajnë këmbët?

Sa më shpejt deputetët të dalin mga ky rol, aq më mirë për mjedisin politik.

Deputetëve iu del më mirë të jenë përfaqësues të atyre që i votojnë sesa shërbëtorë të pazareve politikë.

Unë kështu mendoj?, shkruan më tej Manjani./CNA.al





Lajmet e fundit nga