web counter
LEXO PA REKLAMA!

SHKARKO APP

App Store
Google Play

Kosova refuzon sërish takimin e “Open Balkan”/ "Nismë pa vizion për rajonin tonë"

3 Nëntor 2021, 19:48, Politikë CNA

Kosova nuk do të marrë pjesë as në takimin e gjashtë të “Open Balkan” që këtë herë do të mbahet në kryeqytetin serb, Beograd.

Zyra e komunikimit në Kryeministrinë e Kosovës ka njoftuar se Kosova nuk ka asnjë ftesë për këtë takim.

Por shton se Prishtina zyrtare e ka shprehur dhe e përsërit qëndrimin se nisma ‘Open Balkan’ është një iniciativë pa vizion për rajonin dhe se nismat rajonale duhet të kenë prezencën e BE-së.

?Për ne, i ashtuquajturi ?mini-Shengen? apo ?Open Balkan? është nismë pa vizion për rajonin. Nisma të tilla rajonale duhet që ta kenë BE-në brenda, sikurse në rastin e Procesit të Berlinit, kur përveç prezencës së BE-së, të gjithë vendet e Ballkanit Perëndimor trajtohen të barabarta. Për këtë angazhohet Kosova. Ne kemi propozuar avancimin e bashkëpunimit rajonal nga CEFTA në SEFTA, sipas modelit të EFTA-EEA, nga e cila do të përfitonin njëkohësisht të gjitha vendet e Ballkanit Perëndimor?, ka deklaruar në përgjigjen për News24, Kryeministria e Kosovës.

Mësohet se takimet do të zhvillohen ditën e nesërme, ndërsa sonte do të ketë një darkë informale nga mikpritësi, presidenti serb Aleksandër Vuçiç.

Kryeministri Edi Rama ka mbërritur në Beograd pasditen e sotme. Delegacioni shqiptarështë pritur me një ceremoni zyrtare në aeroportin e Beogradit.

Mediat serbe kanë publikuar foto të kryeministrit Rama i cili takohet me Ministrin e Jashtëm të Serbisë, Nikola Selakoviç.





Lajmet e fundit nga