web counter
LEXO PA REKLAMA!

SHKARKO APP

App Store
Google Play

E fundit!

x

Shehu akuza Qeverisë/ “Po fshihni numrin e vërtetë të vdekjeve”

4 Nëntor 2021, 09:49, Politikë CNA

Teksa komentoi situatën pandemike në vend, deputeti i PD, Tritan Shehu tha se fjala e ministres Manastirliu , e mbajtur në seancën plenare,  ishte e mbushur plot fasadë.

“Fjala juaj ishte mbushur plot sofizma, asgjë reale, fjalë e mbajtur në linjën tuaj e bazuar tek afasada e jo tek përmbajtja. Mënyra kaotike pa strategji e vision me të cilën keni menaxhuar pandeminë. E njëjta gjë po ndodh dhe me vaksinimin. Në fillim ju nuk bëtë asgjë, vetëm siguruat që pandemia nuk do të vinte në Shqipëri.

Pastaj nxorrët tanke e mitraloze kur kishit të bënit vetëm me një virus. Ju bllokuat dhe sistemin spitalor duke koncentruar gjithçka në Tiranë. Nuk lejuat spitalet periferike të ishin pjesë. Spitalet në periferi trajtuan në mënyrë ilegale e pa protokolle të sëmurët me Covid. Asnjë masë për mbrojtjen e mjekëve dhe shërbimit mjekësor. Patëm aq shumë humbje mjekësh.

Ju keni luajtur me njerëzit! Prandaj kemi 16 mijë humbje jetësh deri në korrik të këtij viti. Janë shumë larg shifrave zyrtare të publikuara. Janë fshehur të dhënat. Keni luajtur me testet sipas interesave të momentit.

Papërgjegjshmërinë e kësaj Qeverie shqiptarët e kanë paguar me jetë të humbura.Komiteti i Ekspertëve është kthyer në një institut politik të Rilindjes?, deklaroi Shehu në interpelancën me ministren Manastirliu./CNA.al  





Lajmet e fundit nga