Nga seksi tek thumbat për kryeministrin malazez/ Deklaratat e bujshme të Ramës në “Open Balkan”

4 Nëntor 2021, 11:55, Politikë CNA

Kryeministri Rama në konferencën e përbashkët me Vuçiç dhe Dimitrov ka komentuar ndërçin për lëvizjen e mallrave me vendet e rajonit, teksa ka theksuar se duhet përshpejtuar kjo nismë në të mirë të popujve.

Ai ka ironizuar duke shprehur se nuk mund që vendet të merren me ?seksin e ëngjëjve? dhe të pritet nga Brukseli të kuptojë se çfarë është ?Ballkani i Hapur? .

?Më shpejt është të shkosh në Australi me avion se në Bosnje me makinë. A mund të merremi me ?seksin e ëngjëjve? dhe të presim që në Bruksel ta presin se cfarë është ‘Ballkani i Hapur’. Këto që flas lidhen me letra që i kemi patur në tavolinë në ‘Pocesin e Berlinit’ para 3-4 vitesh. Do vijë t’i bëjë Angela Merkel? Apo këto të tjerët që nuk e dinë cfarë duan? Jo! Do t?i bëjmë ne! Do torturohet një popull i tërë që punon tokën. Gjuha na dallon, por zakonet e burokracisë janë njësoj?, tha Rama.

Më tej ai foli edhe për Kosovën, të cilës nuk nguroi t?i bënte sërish ftesë për të marrë pjesë në nismë dhe të punojë për njerëzit e saj.

?Kur vjen puna për Kosovën, është e stërthënë që të tre vendet, pa dallim, janë të ftuara të vijnë dhe të punojnë me ne për njerëzit e tyre. Çështja e mosdakordësisë ka dialogun dhe rrugën e vet. Nëse 6 vendet marrin pjesë, edhe për Kosovën e Bosnjën do të jetë shumë më mirë atmosfera për të trajtuar çështje të tjera.

Shqiptarët e serbët janë për Ballkanin si serbët e gjermanët për Evropën. Ia kanë borxh gjeneratave të tjera të bëjnë për Ballkanin. Gjermania e Franca nuk e filluan nga fundi, por nga bashkëpunimi ekonomik. Më pas panë që bashkë ishin më mirë sesa kur përplaseshin me njëri-tjetrin. Nuk ka asnjë kufizim për askënd! Të gjithë janë të ftuar?, shprehu Rama.

Kryeministri nuk kurseu as thumbat ndaj Malit të Zi, të cilët kishin refuzuar ftesën për shkak se presin anëtarësimin në BE vitin e ardhshëm.

?Mali i Zi pret të futet në BE vitin tjetër. E mirëkuptoj! Ne do ju kemi një avokat më shumë për të mbrojtur Ballkanin. Nuk e kemi informacionin që qenka gati kjo punë! Nëse nuk futet në BE, ne i kemi thënë ?Bujrum, hajde futu në këtë punë!?. Ai ishte i lumtur të na bashkohej për zjarret. Pas 2022, do ta ftojmë në samitin e dhjetorit që ose të na tregojë si u fut kaq shpejt në BE, ose të na bashkohet tek Ballkani i Hapur?, ironizoi Rama./CNA.al