web counter
LEXO PA REKLAMA!

SHKARKO APP

App Store
Google Play

Hajdarmataj: Bashën e mbështesin vetëm ata që hyjnë në seli, Berisha ka 95% të bazës

25 Tetor 2021, 18:25, Politikë CNA

Anëtarja e Këshillit Kombëtar të Partisë Demokratike Mimoza Hajdarmataj komentoi zhvillimet më të fundit në selinë blu.

Teksa përmendi deklaratën e Bashës se ka mbështetjen e 95% të PD, Hajdarmataj theksoi se kryetari aktual ka mbështetjen e vetëm personave që futen në seli, ndërsa ?Foltoren? e Berishës e mbështesin 95% e bazës së partisë dhe sipas saj, mbledhja e Kuvendit Kombëtar është e pashmangshme.

?Kemi një situatë jo fort të këndshme në PD, e cila ka ardhur si pasojë e një vendimi person të Lulzim Bashës për përjashtimin e liderit historik të PD nga grupi parlamentar. Ne ngelëm të befasuar, pasi retorika e kryetarit nuk kishte qenë asnjëherë e tillë. Mbi të gjitha, ishte një vendim i pa konsultuar në forumet e PD. Ne sapo dolëm nga një proces i nxituar rikonfirmimi i zotit Basha në krye të PD dhe ky vendim kaq i rëndësishëm ishte i patolerueshëm. Reagimi është i menjëhershëm. Unë jam rreshtuar krah Foltores. Unë nuk e shikoj si një proces që po ndodh mes ish-liderit dhe liderit të PD, por si një organizëm që deri diku duhet të ndalojë arbitraritetin e kujtdo, edhe të një kryetari me vulë apo jo.

Mendoj se me aq sa ka ngelur selia e PD, bashkë me kryetarin dhe një pjesë të mbështetësve të tij nëse ata i quan 95%, aty ai ka të drejtë, pasi brenda selisë ata që hyjnë në ato zyra janë krah tij. Pjesa tjetër, 95% e të gjithë bazës së PD po mbështet ?Foltoren? dhe të gjithë bashkë do të shkojmë në një mbledhje të Kuvendit Kombëtar. I gjendur në atë seli, me atë grup mbështetës, aksionet që dalin janë si sfumues i kësaj që po ndodh me ?Foltoren??, u shpreh Mimoza Hajdarmataj./CNA.al





Lajmet e fundit nga