web counter
LEXO PA REKLAMA!

SHKARKO APP

App Store
Google Play

E fundit!

x

“Foltorja ka marrë vëmendjen më të madhe”/ Topalli: Baza e PD është rikthyer e ndërgjegjshme

25 Tetor 2021, 13:48, Politikë CNA

Ish kryeparlamentarja Jozefina Topalli ka komentuar zhvillimet e fundit  në Partinë Demokratike, duke nisur nga Foltorja e Sali Berishës, e deri tek braktisja e Lulzim Bashës nga baza demokrate.

Në një intervistë për Top Talk, Topalli deklaroi se Foltorja ka marrë vëmendjen e të gjithë qytetarëve dhe medias, ndërsa sipas saj pjesa tjetër në PD ka rënë në hije.

Sipas saj, demokratët ndonëse vonë, e kanë kuptuar se qëndrimi në krah të Bashës nuk është e ardhmja e PD-së, duke renditur edhe disfatat që ka pësuar kjo parti gjatë kohës që drejtohet nga Basha.

?Ajo që ka marrë vëmendjen e medias është Foltorja ndërsa pjesa tjetër është në hije, edhe për faktin se humbi zgjedhjet për të pestën herë dhe për faktin se i ka ikur baza. Ai duhet të jepte dorëheqjen. Në anën tjetër e gjithë baza është rikthyer e ndërgjegjshme, thonë që kemi qenë në gjumë por po i kthehen parimeve që kanë më shumë nevojë. Imagjino sikur të mos fillonte kjo lëvizje, të kishim një opozitë farsë, në funksion të qeverisë dhe nuk do kuptonim se kush është pluralizmi dhe kush është e ardhmja e vendit tonë.

Nuk ka ndodhur asnjë herë të digjen mandatet, të shitesh te qeveria, ti japësh bashkitë një qeverie për shkak të një synimi thjesht për të rruajtur karrigen?, tha Topalli./CNA.al





Lajmet e fundit nga