web counter
LEXO PA REKLAMA!

SHKARKO APP

App Store
Google Play

“Ai nuk zbret dot shkallës e godinës”/ Topalli “shuplakë” Bashës

25 Tetor 2021, 14:01, Politikë CNA

Ish kryeparlamentarja, Jozefina Topalli ka komentuar lëvizjen e ish kryeministrit Sali Berisha për rikthimin e PD në një parti vlerash dhe parimesh.

E ftuar në Top Talk, e pyetur nëse, këtë lëvizje Berisha po e bën për interesat e tij, Topalli është përgjigjur që duhet parë e kundërta.

Sipas ish kryeparlamentares, nëse kjo lëvizje nuk do të ndodhte do të ishte më keq situata në PD.

?Ai ka qenë pro qendrës së djathtë. PD ka qenë e qendrës së djathtë. Po kthehemi ta marrim nga e kundërta po sikur kjo lëvizje sot të mos lindte të mos kishte këto përmasa do të ishte më mirë a më keq, do ishte më keq.

Po them atë që po thuhet gjatë kësaj situate. Së pari kërkoi ndjesë. Unë dua t?i besoj ndjesës. Ndjesa është një akt moral, se merr me vete një përgjegjësi. Kemi parë raste në histori që nuk kanë kërkuar ndjesë dhe kanë mbajtur qëndrim anësor.

Në fakt duhet ta kërkojnë ndjesë të gjithë ata që nuk kanë folur dhe kanë heshtur gjatë kësaj situate. Të gjithë duhet të kemi kurajon të kërkojmë ndjesë që e lejuam të vijë në këtë situatë.

Ka patur disa persona që më shumë se 8 vite kanë kërkuar një rikthim vlerëash, votës dhe debatit dhe nuk ia dolën?, është shprehur Topalli.

Përsa i përket sulmeve të Lulzim Bashës ndaj Berishës së fundi ku ai është shprehur se Berisha do ta kthejë PD në një bunker për interesat e tij, Topalli është shprehur se po vepron kështu pasi ka mbetur vetëm.

?Sepse ka mbetur vetëm me katër persona. Vetëm nuk zbret dot shkallët e godinës së tij. Ka parasysh që janë pjesë e kësaj lëvizje. Praktikisht nuk është më kryetar. Ka humbur anëtarësinë, bazën?, ka thënë Topalli./ CNA.al





Lajmet e fundit nga