LEXO PA REKLAMA!

SHKARKO APP

Tragjedia me katër turistët rus/ Ambasada nuk i ndal reagimet

22 Tetor 2021, 11:24, Aktualitet CNA
Tragjedia me katër turistët rus/ Ambasada nuk i ndal reagimet

Ambasada ruse ka reaguar sërish lidhur me vdekjen e mistershme të katër turistëve rus në një hotel në Qerret të Kavajës. Përmes një postimi në rrjete sociale, ambasada shprehet se shpreson në marrjen sa më të shpejtë të përfundimeve zyrtare nga pala shqiptare, për sqarimin e kësaj tragjedie të ndodhur.

?Në mëngjesin e hershëm të 22 tetorit trupat e pajetë të shtetasve rusë, të cilët humbën jetën në 15 tetor në territorin e Republikës së Shqipërisë, u nisën në Rusi me një fluturim të rregullt. Sipas legjislacionit rus, mund të kryhet një ekspertizë mjeko-ligjore shtesë për të zbuluar shkaqet e vdekjes së tyre. Shpresojmë në marrjen sa më të shpejtë të përfundimeve zyrtare nga pala shqiptare, si edhe në bashkëpunimin e mëtejshëm të ngushtë të organeve ligjzbatuese ruse dhe shqiptare për sqarimin e rrethanave të tragjedisë?, shkruan ambasada ruse.

Kujtojmë se mëngjesin e sotëm, trupat e pajetë të shtetasve rusë, të cilët humbën jetën në 15 tetor në territorin e Republikës së Shqipërisë, u nisën për në shtetin rus./CNA.al

Lajmet e fundit nga