web counter
LEXO PA REKLAMA!

SHKARKO APP

App Store
Google Play

E fundit!

x

Noka ‘dhëmbë për dhëmbë’ me Bashën/ “Je i shkarkuar për vete”

11 Tetor 2021, 20:44, Politikë CNA

Deputeti, Flamur Noka, ka reaguar pas vendimit të marrë nga kreu i PD, Lulzim Basha, për shkarkimin nga funksioni i Nënkryetarit të Komisionit të Sigurisë.

Në një lidhje telefonike për Syri Tv, Noka ka deklaruar se është shkarkuar pasi ka qenë i vetmi që ka qëndruar për parimet që u themelua kjo forcë politike.

Depueti ka theksuar se Basha po bën veprime të tilla, para se të shkarkohet vetë.

Ai është shprehur më tej se nuk ka pranuar t’i nënshtrohet Bashës dhe se i vetmi shqetësim është fakti ku e ka katandisur kryetari partinë.

?Nuk më shqetëson në aspektin personal sepse unë nuk i lidh gjërat me Lulzim Bashën, unë e kam lidhur fatin tim me PD. Unë jamë një politikan që jam rritur në atë parti, kemi kaluar momente të vështira në 1997, ajo që më shqetëson është fakti që shoh me dhimbje se ku ka degraduar lidershipi i partisë time, demokracia në partinë që unë kam aderuar kam punuar kam luftuar prej 30 vitesh.

Më dhemb fakti se ku e ka katandisur forcën tonë politike Lulzim Basha. Jam shumë i qartë se në përpëlitjet e fundit për tu kapur më thonj pas karriges së kryeatrit, po bënë veprime të tilla përpara se të shkarkohet për vete. Ai është i shkarkuar pasi anëtarësia dhe delegatët janë duke firmosur pasivisht formularin për thirrjen e Kuvendit Kombëtar.

Po shkarkohem vetëm se unë kam qëndruar për ato parime mbi të cilat u themelua kjo forcë politike. Kam kërkuar që të respektohet kushtetuta e partisë qoftë edhe nga kryetari i saj. Kam qëndruar që forca jonë duhet të përballet me regjimin dhe jo të shkatërrohet nga kryetari me vendimin kult që mori. Nuk kam pranuar nështrimin ndaj Lulzim Bashës?, ka deklaruar Noka./ CNA.al





Lajmet e fundit nga