web counter
LEXO PA REKLAMA!

SHKARKO APP

App Store
Google Play

Kriza energjetike/ Ish ministri i Brendshëm këshillon Ramën

11 Tetor 2021, 16:12, Politikë CNA

Ish ministri i Brendshëm, Fatmir Xhafaj ka komentuar situatën emergjente në të cilën ndodhet Shqipëria, përsa i përket krizës së energjetikës.

I ftuar në Report Tv, Xhafaj u shpreh se masat e marra nga kryeministri Edi Rama për menaxhimin e krizës janë pozitive, por nuk janë të mjaftueshme.

Sipas vlerësimit të Xhafaj, qeveria duhet të hapë një diskutim me aktorë të kësaj fushe dhe të tjerë në mënyrë që të gjenden më shumë mundësi për të menaxhuar krizën dhe situatën.

?Unë nuk jam një ekspert i fushës së energjisë por si qytetar dhe si politkan kam një qëndrim që ka të bëjë me një vështrim të situatës.

Është një situatë e rëndë në aspketin e energjisë dhe rritjes së energjisë në rang global kjo është e dukshme.

E rëndësishme është se si duhet ta menaxhojmë. Ajo që është themelore në gjithë këtë diskutim është ajo që ka të bëjë me qytetarët, se sa të aftë do të jemi ta menaxhojmë këtë krizë pa lënduar qytetarët.

Por masat e marra nga kryeministri janë pozitive,por nuk janë të mjaftueshme, duhet të ketë edhe më shumë mundësi.

Çështja është se si ne do ta trajtojmë këtë problem, se si do të rrisim pavarësinë energjetike. Pasuritë që ka na ka dhënë Zoti mund t?i shfrytëzojmë për të patur më shumë mundësi. Në këtë kontekst nuk do të ishte e mjaftueshme.

Në vlerësimin tim qeveria duhet të hapë një diskutim me aktorët e kësaj fushe, me bizneset që operojnë në këtë fushë por edhe me faktorë të tjerë, të shoqërisë civile.

Ngritja e çmimit të energjisë do të shkaktojë ngritje tek produktete e tjera. Kjo shkon përtej kësaj?, është shprehur Xhafaj./CNA.al





Lajmet e fundit nga