web counter
LEXO PA REKLAMA!

SHKARKO APP

App Store
Google Play

Mazhoranca “lëshon pe”/ Pranon dy kërkesa të PD, Balla sqaron qëndrimin për “Bechettin”

11 Tetor 2021, 09:26, Politikë CNA

Partia Socialiste ka refuzuar kërkesën e Partisë Demokratike, për të ngritur një komision hetimor për çështjen Bechetti, por duket se do të ?lëshojë pe?, në lidhje me dy komisionet e tjera, atë për inceneratorët dhe ?masakrën zgjedhore?.

Në një deklaratë për mediat, kreu i grupit parlamentar të PS, Taulant Balla sqaroi qëndrimin kundër ngritjes së një komisioni hetimor për çështjen ?Bechetti?.

Balla tha se në këtë moment që ndodhet procesi gjyqësor nuk mund të ngrihet një komision hetimor parlamentar, pasi sipas tij do të ishte në dëm të interesave të Shqipërisë.

?Arsyeja e refuzimit është se bie në kundërshtim me interesat e Shqipërisë në raport me disa procese gjyqësore.

Në këtë fazë të proceseve gjyqësore, interesi më i madh që duhet të prevalojë është ai i Shqipërisë.

Shqipëria duhet të vazhdojë të mbrojë interesat e saj. Ky ka qënë sugjerim i Avokatit të Shtetit. Sapo Shqipëria të ketë ecur në procesin juridik apo ligjor, komisioni mund të ngrihet në një moment të dytë?-tha Balla.

Sa i takon kërkesës së PD për dy komisionet e tjera hetimor, Balla tha se do të votohet pro, por do të kërkohet të riformulohet objekti i hetimit.

?Në radhë të parë duhet të respektojë parimet e  prezumimit të pafajësisë. Për shembull nëse PD thotë është masakër zgjedhore, kjo nuk do të thotë se këtë duhet ta pranoj dhe unë.

Ti nuk mund të më kërkosh mua të votoj diçka që nuk është e vërtetë.

Duhet të shkojmë drejt formulimit, që respektohet parimi i prezumimit të pafajësisë dhe të hetohen pretendimet.

Unë besoj se formulimi i mesëm që kënaq të gjitha palët ekziston?-deklaroi Taulant Balla./CNA.al





Lajmet e fundit nga