web counter
LEXO PA REKLAMA!

SHKARKO APP

App Store
Google Play

"Kriza energjetike një farsë”/ Vasili: SPAK të hetojë zyrat e OSHEE dhe të KESH

10 Tetor 2021, 15:15, Politikë CNA

Nënkryetari i LSI-së Petrit Vasili, ka folur për krizën energjetike dhe rolin që ka SPAK-u në hetimin e kësaj çështjeje.

Gjatë një interviste për Syri TV, Vasili ka deklaruar se kriza energjetike është një farsë e prezantuar nga kryeministri Edi Rama.

Vasili theksoi se lidhur me këtë, SPAK-u duhet të hetojë zyrat e OSHEE dhe KESH për menaxhimin energjisë.

Më tej,  ai nënvizoi se përgjegjësi të rëndë penale ka kryeministri Rama, pasi kjo qeveri vjedh dhe nuk ka drejtësi.

 ?Shqipëria është vendi me numrin më të lartë të të varfërve në Europë. Kriza që kemi është apokaliptike. Pushteti i Ramës ka hyrë në krizë të thellë. Rama bën deklarata me qëllime të qarta politike. Rama është një sadist dhe i papërgjegjshëm. Ai shton borxhet, vetëm bën që shqiptarët të nxjerrin para nga xhepi, me rroga që nuk dalin për të kaluar muajin me bukë.

Borxhi publik ka arritur 100%. Kriza energjitike që na prezanton Rama është një farsë. SPAK të hetojë zyrat e OSHEE-së dhe të KESH. Duhet hetuar menaxhimi i energjisë. Rama ka përgjegjësi të rëndë penale. Nuk ka hetime, për shkak se Rama ka kapur drejtësinë. Kjo qeveri vjedh, sepse nuk ka drejtësi, se është e kapur?, deklaron Vasili./ CNA.al





Lajmet e fundit nga