web counter
LEXO PA REKLAMA!

SHKARKO APP

App Store
Google Play

Paralajmërimi i Berishës për protesta/ Tabaku: Duhet të jemi bashkë kundër Ramës

9 Tetor 2021, 16:24, Politikë CNA

Nënkryetarja e Partisë Demokratike, Jorida Tabaku, ka komentuar takimet e ish-kryeministrit dhe liderit historik të PD, Sali Berisha.

E ftuar në News 24, Tabaku ka deklaruar se PD mbështet çdo lloj proteste nga qytetarët, pasi preken edhe ata.

Tabaku tha më tej se kjo do të jetë një situatë që do të kalojë dhe se që të gjithë duhet të jenë bashkë kundër Edi Ramës.

?E kam të vështirë të komentoj sa herë bëhet fjalë për zotin Berisha. Dje zoti Basha e tha që sa herë që ka protesta nga qytetarët, sepse kjo është një gjë që prek qytetarët, përtej politikës. Ne politikën do ta bëjmë në parlament, jemi duke përdorur të gjitha hapësirat në komisione për këto.

Nuk ka rëndësi se kush e thërret protestën. Pak ditë më parë qytetarët thirrën një protestë dhe iu bashkuan shumë anëtarë të PD, shumë deputetë. Ne duhet ta shikojmë protestën edhe një mënyrë për keqqeverisjen.

Besoj që e keqja e sotme është Edi Rama. Besoj që të gjithë duhet të jemi bashkë kundër Edi Ramës. Është një moment që do të kalojë por e rëndësishme është që aksioni opozitar nuk ka asnjë devijim?, tha Tabaku./ CNA.al





Lajmet e fundit nga