LEXO PA REKLAMA!

SHKARKO APP

E fundit!

x

Situata kaotike në PD/ Ish-anëtari i Këshillit Kombëtar tregon rrugën e vetme të bashkimit

6 Tetor 2021, 08:09, Politikë CNA

Ish-anëtari i Këshillit Kombëtar të PD, Edvin Kulluri shkruan se e vetmja rrugë për të bashkuar partinë, është gara, vota, dhe shprehja e vullnetit të lirë në çdo formë.

Sipas Kullurit, këto principe janë shkelur në mënyrë brutale nga kreu i PD-së, Lulzim Basha.

?Një parti të përçarë deri në seksionin më të largët si PD e sotme, mund ta bashkojë vetëm gara, vota, fjala, pra shprehja e vullnetit të lirë në çdo formë!

Këto principe janë shkelur në mënyrë brutale nga leadership-i aktual i PD!

Kush rreshtohet me Bashën në sakatimin e PD në klane të interesave te tij që nga ushtaret e UET e deri tek njerezit pa asnjë atribut politik punojnë për shkërmoqjen e Partisë Demokratike!

PD me sorosistë e kusherinj apo vasalë të familjes së Bashës nuk ka dhe nuk do të ketë! E as me sekserë pushteti të djeshem apo të sotëm! Kush nuk përballon dot garën dhe përfaqësimin nuk mund të pengojë PD të rikthehet fituese!

Ky moment është vendimtar për të ardhmen e PD! Ose do reformohet ose do shkatërrohet. Rrugë të mesme nuk ka.

Ndaj, demokratët duhet të debatojnë e përballen me njëri-tjetrin për të hyrë në një proces demokratizues të votes së lirë! Asgjë nuk e bashkon PD përveç rregullave të qarta të zbatuara e jo vetëm të thëna!?-shkruan Edvin Kulluri./CNA.al

Lajmet e fundit nga