LEXO PA REKLAMA!

SHKARKO APP

Grisja e fletëve të votimit nga opozita/ Flet Lindita Nikolla: Një shfaqje e trishtë

5 Tetor 2021, 17:54, Politikë CNA

Kryeparlamentarja Lindita Nikolla, ka komentuar sjelljen e opozitës, gjatë votimit për zgjedhjen e saj si kryetare Kuvendi.

E ftuar në emisionin, “Frontline”, Nikolla u shpreh se grisja e fletëve të votimit nga opozita, ishte një shfaqje e trishtë dhe nuk priste që njerëz që janë zgjedhur nga populli të bëjnë një gjë të tillë me votën.

Nikolla thekson se ishte edhe më e trishtë të shikoje që edhe zonjat të bënin një veprim të tillë, duke grisur votën.

Patjetër ishte një shfaqje  e trishtë, ndihesha e ligishtë që shikoja zonja dhe zotërinj që populli kishte zgjedhur po bënin një gjë të tillë me votën. Ishte e trishtë kur pashë që edhe zonjat ta bënin këtë akt.

Opozita besoj që të kuptojë dhe të tejkalojë këto shfaqje, nuk e rrisin reputacionin, nuk e bën më të ashpër aksionin opozitar“, ka thënë Nikolla./ CNA.al

Lajmet e fundit nga