web counter
LEXO PA REKLAMA!

SHKARKO APP

App Store
Google Play

Ardian Civici propozon masa për krizën e paralajmëruar/ Ç’duhet të bëjë Shqipëria?

4 Tetor 2021, 19:55, Politikë CNA

Ardian Civici pedagog dhe ekspert ekonomie thotë se vendet evropiane po përballen aktualisht me frikën se krahas rritjes së çmimeve të energjisë mund të ketë mungesë të naftës dhe gazit.

Por me çfarë pasojash mund të përballet Shqipëria nga kjo klimë e re zhvillimesh, që cilësohet si aspak e favorshme?

Eksperti i ekonomisë thekson se rritja e çmimit të naftës dhe gazit çon në rritjen e çmimeve për produktet dhe shërbimet.

?Në vendet evropiane është se ekziston frika se përveç çmimit mund të ketë mungesë në treg të këtyre produkteve, si gazi apo nafta. Ajo që është e rëndësishme, që mund të prekë edhe Shqipërinë ka të bëjë më faktin se këto rritje çmimesh sjellin deformime çmimesh, që lidhen me produkte apo shërbime që janë të lidhura direkt dhe që përdorin naftën, gazin apo energjinë elektrike. Ky është rreziku më i madh i përshkallëzimit të këtij efekti negativ se sa çmimi i energjisë elektrike?, tha Civici.

Duke shpjeguar pasojat që mund të sjellë kjo krizë ndërkombëtare që është paralajmëruar tashmë, z. Civici propozon dy mekanizma veprues, që sipas tij duhet t?i vërë në zbatim qeveria shqiptare për të zbutur efektet negative në ekonomi.

?Na duhen politika imediate të reagimit, të ngjashme me paketat e pandemisë së COVID-19, por fokusin duhet ta ketë tek shtresat e varfra, familjet dhe bizneset e vogla. Na duhet urgjentisht reflektim për politikat strukturore për diversifikimin e burimeve të energjisë, por mbi të gjitha shtimin e prodhimit të energjisë me të gjitha elementët?, tha ai./euronews





Lajmet e fundit nga