web counter
LEXO PA REKLAMA!

SHKARKO APP

App Store
Google Play

E fundit!

x

‘Mafia e lidhur me qeverinë’/ Këlliçi del me reagimin e fortë: Të bëhemi bashkë sa nuk është vonë

4 Tetor 2021, 14:19, Politikë CNA

Kryetari i FRPD-së Belind Këlliçi, njëherazi dhe deputet i dalë nga zgjedhjet e 25 prillit, ka dalë me një reagim në rrjetet sociale lidhur me raportin e Rrjetit të Nismës Globale e cila e rëndit Shqipërinë në krye të shteteve me kriminalitet të lartë.

Këlliçi shkruan se një nga burimet e të ardhurave për grupet e strukturuara kriminale shqiptare janë tenderat publikë.

Ai shton se krimi i organizuar është një instrument për shitblerjen e votësdhe një  hallkë në zinxhirin që mban bashkë pushtetin politik me paratë e pista.

?Global Initiative Netëork ose Rrjeti i Nismës Globale e rendit Shqipërinë fill pas Afganistanit, në krye të shteteve me kriminalitet të lartë, ku ka mungesë shprese e vizioni për të ardhmen.

Sipas raportit, një nga burimet e të ardhurave për grupet e strukturuara kriminale shqiptare janë tenderat publikë. Aksesi në tendera u mundësohet nga pushtetarë të cilët përfitojnë funksione nga blerja e votës.

Përpos historikut famëkeq në trafikun e qënieve njerëzore, këto grupe të mirëstrukturuara janë përfshirë në trafikimin e kafshëve, shpendëve dhe specieve në zhdukje.

Krimi i organizuar është një instrument për shitblerjen e votës. Një hallkë në zinxhirin që mban bashkë pushtetin politik me paratë e pista. Para që investohen gjatë fushatave zgjedhore për të blerë heshtjen e shqiptarëve dhe fukarallëkun e tyre. Para të pista që vrasin vullnetin për ndryshim dhe perspektivën e një vendi të tërë.

Zëri opozitar, rinia, arsimtarët dhe intelektualët, duhet të bëhen bashkë për të nxjerrë Shqipërinë nga balta sa nuk është vonë.?/CNA.al





Lajmet e fundit nga