web counter
LEXO PA REKLAMA!

SHKARKO APP

App Store
Google Play

Bylykbashi sfidon publikisht Bashën/ Kritika të forta kundër kreut të PD

5 Tetor 2021, 08:55, Politikë CNA

Deputeti Oerd Bylykbashi është një nga anëtarët e grupit parlamentar të PD-së që është rreshtuar hapur në krahun e Sali Berishës, pas vendimit personal të Lulzim Bashës për përjashtimin e ish-kryeministrit nga grupi parlamentar.

E ndërsa Basha i hoqi drejtimin e reformave zgjedhore duke e zëvendësuar me Enkelejd Alibajn, në emisionin ?Log?, Bylykbashi është pyetur nëse i trembet ndonjë lëvizje tjetër?

Por, deputeti demokrat ka theksuar se askush nuk mundet ta nxjerrë nga PD.

?Askush nuk më nxjerr dot mua nga PD, as nga grupi parlamentar, pasi një kryetar nuk e ka të drejtë për të marrë këto vendime, ajo që e zgjidh këtë punë është kutia e votimit? tha ai. Ai shtoi se ?Ne do të jemi aty, ne jemi të gjithë në PD?-tha ai.

Përpos vendimit për përjashtimin e Sali Berishës, Bylykbashi kishte edhe një tjetër kritikë për Lulzim Bashën. ?Ne kemi të gjithë ekzekutivin e partisë në kundërshtim me statutin?-tha deputeti demokrat.

I pyetu se duke mbajtur krahun e ish-kryeministrit, a mendon Bylykbashi se do të etiketohet si anti-amerikan?, ai tha se  ?Unë kam raporte shumë të mira me ta (SHBA). Ne kemi diskutuar, kjo është një çështje, debati me demokracinë brenda partisë.

Janë goxha të vëmendshëm në këtë aspekt. E vetmja që do ta zgjidhë në mënyrë të paqtë është kutia e votimit?. /CNA.al





Lajmet e fundit nga