LEXO PA REKLAMA!

SHKARKO APP

Kriza energjetike/ Bozdo: Rama po fut në panik popullatën, po godet shtresat në nevojë

5 Tetor 2021, 18:31, Politikë CNA

Ish-zëvendës ministri i Energjisë Eno Bozdo, ka folur për krizën ënergjetike dhe rritjen e çmimeve.

I ftuar në Syri Tv, Bozdo deklaroi se me rritjen e energjisë, kryeministri Rama po fut në panik popullatën, duke kujtuar se kjo ka ndodhur edhe në kohën e tërmetit dhe pandemisë.

Më tej Bozdo theksoi se rritja e çmimeve do të godasë më shumë shtresat në nevojë.

 ?Rritja e çmimit të energjisë do godasë shtresat në nevojë. Rama po tremb popullatën. Rama futi në panik popullatën, e kjo ka ndodhur në kohën pas tërmetit dhe pandemisë. Rama po e bën këtë gjë, në emër të raporteve, sipas tij, ndërkombëtare. Ne paguajmë energji më shumë se çdo vend në rajon, përpos Malit të Zi, që ka tjetër standard jetese. Rama të jetë transparent me koncesionet.

Të bëjë transparencën njëherë e pastaj të bëjë këtë gjë që po bën. Shqipëria nuk operon me gaz. Sa i përket asaj që po ndodh në PD, mund të them se Partia Demokratike meriton lëvizje politike opozitare. Basha ka sjellë shterim tashmë për të sjellë PD-në në fitore. Uroj që Berisha të ndihmojë PD-në që të ngjizet sërish?, ka deklaruar Bozdo./ CNA.al

Lajmet e fundit nga