Zjarrfikësve u vonohet paga, vetë Bashkia nuk paguhet prej 3 muajsh

29 Shtator 2021, 20:52, Denoncim CNA

Emisioni ?Stop? në Tv Klan u drejtua për në stacionin e zjarrfikëses në Peqin, pasi prej 2 javësh punonjësve të këtij sektori, nuk u ka kaluar paga.

Përveç pagesës, problematike janë kushtet e punës, pasi makina e tyre, vetëm është jashtë çdo standardi,nuk kanë asnjë mjet, as veshje, as maska, asgjë.

Për këtë rast pyeti në Bashkinë Peqin, por aty zbuluam që vetë bashkia kishte 3 muaj pa marrë pagat.

Më pas, u kërkuan informacion nga 2 nënkryetarët e bashkisë, Madrid Sula dhe Xhesiana Dokja dhe ata premtuan zgjidhjen e pagave të zjarrfikësve, ndërsa thanë, se ata vetë, mund të marrin një pagë të prapambetur.

Sipas dy nënkryetarëve, kjo situatë e përsëritur, ka ardhur, për shkak të mosmbledhjes së taksave.

Gazetarja: Përshëndetje Madrid, si je?

Madrid Sula (nënkryetar i bashkisë Peqin): Mirë, si jeni ju?

Gazetarja: Mirë. Unë kam ardhur prapë të bashkia e Peqinit.

Madrid Sula (nënkryetar i bashkisë Peqin): Shumë mirë e ke bërë! Se ke bërë mungesa?

Gazetarja: E kuptoj. E marr vesh se sa herë që vij unë merrni lekë.

Madrid Sula (nënkryetar i bashkisë Peqin): Po pra po! Cili është problemi? Po i njëjti?

Gazetarja: Po pra, sa çudi, po i njëjti!

Madrid Sula (nënkryetar i bashkisë Peqin): Po me po, presim nga momenti në moment, që t?i marrim! Ne presim, që të mbledhim ndonjë lek! Odetë, flasim seriozisht, ne me të ardhurat jemi shumë keq! Me taksat me jemi shumë keq, me mbledhjen e të ardhurave, njerëzit nuk paguajnë!

Gazetarja: E kuptoj. Tani, më fal që po të bëj pak telefonin e prishur, i bie kryetarit, nuk ma hap, të paktën çfarë thotë kryetari për këtë muhabet? Do kalojë ndonjë lek apo??

Madrid Sula (nënkryetar i bashkisë Peqin): Një rrogë po, do të kalojë!

Më pas, ?Stop? pati edhe një komunikim nga afër me nënkryetaren tjetër të bashkisë së Peqinit lidhur me këtë rast.

Xhesjana Dokja (nënkryetare e bashkisë Peqin): Shpresojmë, që është deri në fund të Shtatorit, do të realizohet që të gjithë të marrin nga një pagë.

Gazetarja: Më fal, por keni tre pagesa pa bërë.

Xhesjana Dokja (nënkryetare e bashkisë Peqin): E di, por besoj se në fillim të Tetorit.

Gazetarja: Ose në fillim të Nëntorit, te festat e Nëntorit ose me rastin e Vitit të Ri.

Xhesjana Dokja (nënkryetare e bashkisë Peqin): Shumë shpejt edhe paga jonë do të jetë në llogari. Ç?të të them unë tani?

Gazetarja: Me shpresë, me shpresë.

Sërish, ?Stop? shkoi në Peqin për të verifikuar nëse ishin kaluar pagat e punonjësve të zjarrfikëses dhe të bashkisë.

Xhesjana Dokja (nënkryetare e bashkisë Peqin): Në fakt, dje u premtua që pagat e zjarrfikëseve do të hynin sot, por pasi morëm konfirmimin nga Ministria e Financave, sollën shkresën zyrtare, u bë e gjithë procedura, është kaluar nga ana e bashkisë, tani janë në djegien e thesarit. Pastaj vazhdon procedura djegia e thesarit pasi duhet të kalojnë 24 orë dhe i ka të gjitha veprimet me bankën.

Pas interesimit të gazetares së ?Stop?, punonjësit e zjarrfikëses morën pagën, ndërsa zyrtarët e bashkisë në listë pritjeje?!

Punonjësi 1: Rroga kaloi, faleminderit Odetës së Stopit!

Punonjësi 2: Kishim 2 javë, nuk merrnim pagat. U desh ndërhyrja e Stopit, që morëm pagat! Faleminderit Stopi!/tvklan