web counter
LEXO PA REKLAMA!

SHKARKO APP

App Store
Google Play

Aleanca për Mbrojtjen e Teatrit thirrje Metës/ Mos dekreto Ramën si kryeministër, ka kryer vepër penale

9 Shtator 2021, 09:11, Politikë CNA

Aleanca për Mbrojtjen e Teatrit i ka bërë thirrje presidenti Ilir Meta që mos të dekretojë si kryeministër Edi Ramën dhe dy ministra të kabinetit të ri qeveritar, Elva Margaritin dhe Mirela Kumbaron.

Në një deklaratë për mediat, Aleanca për Mbrojtjen e Teatrit,  kërkon që kryeministri dhe dy minister të mos dekretohen, me pretendimin se kanë kryer vepra penale.

Juristja Adriana Kalaja deklaroi se Rama duhet të jetë para drejtësisë, pas shembjes së Teatrit.

?Kemi kërkuar mosdekretimin e disa ministrave. I jemi referuar dispozitave ligjore dhe Kushtetuës. I kemi kërkuar presidentit, mosdekretimit e shtetasit Edi Rama, për kryeministër të Republikës së Shqipërisë, pas shembjes së Teatrit. Edi Rama në mënyrë konsekuente ka kryer vepra penale nga më të ndryshmet për të cilat keni depozituar kallëzimin penale, siç është dhe SPAK. Ju jeni në dijeni edhe të faktit se dhe pas vendimit të Gjykatës Kushtetuese, ku u shpallën antikushtetues VKM dhe ligji special në lidhje e teatrin, Rama, në funksionin e kryeministrit ka shkelur Kushtetutën. Me urdhër të tij nuk është ekzekutuar vendimi i gjykatës dhe është miratuar një VKM antikushtetues. Kemi kërkuar për dy ministre mosderektim, për Elva Margaritin, ministre e Kulturës. Margariti jo vetëm nuk ka zbatuar ekzekutimin e Gjykatës Kushtetuese, por ka propozuar një VKM të re, atë të transferimit të truallit nga Ministria e Kulturës në Bashkinë e Tiranës. Kemi kallëzim të ri. Pas gjithë veprave penale që ka konsumuar, ministrja vazhdon të konsumojë vepra penale siç janë ato në SPAK, në mënyrë të dukshme është ministre që ka shkelur Kushtetutën.”-tha Kalaja./CNA.al





Lajmet e fundit nga