web counter
LEXO PA REKLAMA!

SHKARKO APP

App Store
Google Play

“Delta dominant ndaj Mu-së”/ Tomini tregon kur mund të ndryshojë ora policore, apeli për qytetarët

7 Shtator 2021, 13:05, Lifestyle CNA

Zëvendës ministrja e Shëndetësisë, Eugena Tomini, ka folur për ecurinë e vaksinimit deri më tani në vendin tonë, trendin e viktimave e të infektimeve nga COVID-19 dhe variantet e saj.

Nga studio e News 24, Tomini theksoi se vaksinimi duhet të kryhet nga gjithë popullsia, sidomos nga grupmoshat e riskut.

Ajo nënvizoi se bërja e vaksinës, do të thotë që do të ketë më pak shtrime në spitale e viktima nga virusi.

?Është ndjerë trend më i lartë i aplikimit të vaksinave. Sigurisht impakti dhe mbledhja pas frekuentimit të verës pa limite, bëri që popullata të ketë trend në rritje dhe interes sa i përket vaksinimit. Janë deri në 14 mijë aplikime në ditë. Ndërgjegjësim për vaksinim të popullatës vlen në të gjitha daljet televizive.

Detyra jonë është të insistojmë për aplikimin e vaksinës për muajin e hapur, që intensiteti i aplikimit të vaksinave do të na bëj të mundur të minimizojmë numrin e shtrimeve apo vdekjeve. Vaksina s?ka një mbrojtje 100 %, por minimizon shenjat e rënda, shtrimet në spital dhe humbjet e jetës.?-tha Tomini.

Po ashtu, Tomini tregoi se varianti Mu ende nuk ka hyrë në Shqipëri, por sipas saj, varianti me më shumë ndikim deri më tani është ai Delta, që aktualisht ndodhet në vend.

?Aktualisht Delta ka një fuqi sunduese. Bashkekzistencë si të Deltës dhe Mu ndodh rrallë. Një mutacion i ri do të jetë më dominues. E theksoj që Detla është sundues dhe do të sundojë dhe variantet e tjera.?-theksoi zv.ministrja.

Sa i përket orës policore ajo tha se do të mbetet e pandryshuar, por paralajmëroi se do të ketë vlerësime në bazë të dinamikës së COVID-19, ndërsa bëri sërish thirrje për studentët, mjekët e mësuesit që të vaksinohen, në mënyrë që mësimi të kryhet nëpër klasa e auditore.

?Deri në çastet që flasim, prej 7 ditësh ora policore është deri 23:00, deri në këto momente vlerësojmë që të jetë ende kjo fashë. Gjithçka varet nga shtrimet në spital dhe dinamikat e tjera.?-deklaroi Eugena Tomini.





Lajmet e fundit nga