web counter
LEXO PA REKLAMA!

SHKARKO APP

App Store
Google Play

Vaksinimi i studentëve/ Manastirliu zbulon planin

7 Shtator 2021, 12:13, Lifestyle CNA

Ministrja e Shëndetësisë, Ogerta Manastirliu, nga qendra e vaksinimit në ?Air Albania?, ka folur ditën e sotme për vaksinimin e studentëve, teksa është shprehur se interesi i studentëve për t?u vaksinuar është rritur.

Ministrja njoftoi se po hartohet edhe një plan për ta vijuar vaksinimin e tyre në universitete e konvikte, me rifillimin e shkollave.

Ajo gjithashtu ka shtuar se janë vënë në dispozicion të gjitha qendrat shëndetësore dhe pikat e vaksinimit të përqëndruara për të lëhtësuar studentët, pedagogët, mësuesit dhe çdo qytetar mbi 18 vjeç .

?Rritet interesi i studentëve për t?u vaksinuar, teksa janë vënë në dispozicion të gjitha qendrat shëndetësore dhe pikat e vaksinimit të përqëndruara për të lëhtësuar studentët, pedagogët, mësuesit dhe çdo qytetar mbi 18 vjeç?, thotë ministrja.

Ndërkohë, Ministrja e Shëndetësisë theksoi se më shumë se 60% e arsimtarëve i kanë kryer të dyja dozat e vaksinës ndaj Covid19, teksa është shprehur optimiste për rritjen e mbulesës vaksinale gjatë këtij muaji.

?Për pedagogët dhe mësuesit kemi vendosur edhe afatin që është 30 shtatori, në mënyrë që ta kryejmë këtë proces. Janë më shumë se 60% e mësuesve që i kanë bërë tashmë të dyja dozat, pra janë vaksinuar plotësisht. Ndërkohë që presim edhe këto ditë dhe jam e bindur që brenda shtatorit ne do të arrijmë rezultate shumë të mira përsa i përket mbulesës vaksinale tek kategoria e mësuesve dhe pedagogëve, por edhe edukatorëve të kopshteve dhe çerdheve pasi edhe ato janë në fokus të punës sonë të përditshme përsa i përket vaksinimit?, tha Manastirliu.

Manastirliu ka bërë apel për vaksinimin e studentëve gjatë këtij muaji, si domosdoshmëri për të qenë në auditore./ CNA.al





Lajmet e fundit nga