web counter
LEXO PA REKLAMA!

SHKARKO APP

App Store
Google Play

Rama konfirmon në detyrë Ogerta Manastirliun

2 Shtator 2021, 09:24, Politikë CNA

Partia Socialiste ka mbledhur sot Asamblenë, ku ndër të tjera kryeministri Edi Rama ka bërë të ditur edhe emrat e kanbinetit qeverisës ?Rama 3?.

Gjatë fjalës së tij, Rama ka konfirmuar në detyrë ministren e Shëndetësisë, Ogerta Manastirliu, e cila u vlerësua nga kreu i qeverisë për punën e saj gjatë pandemisë së Covid-19.

Ogerta Manastirliu-CV

Ogerta Manastirliu ka lindur në Tiranë më 31 dhjetor 1978. Ajo është e martuar dhe është nënë e dy vajzave.

Znj. Manastirliu është dekretuar Minister i Shëndetësisë për herë të parë më 19 Mars 2017. Pas zgjedhjeve parlamantare është dekretuar për herë të dytë më 10 shtator 2017 dhe që nga kjo datë mban pozicionin Ministër i Shëndetësisë dhe Mbrojtjes Sociale. Ajo mban titullin ?Doktor i Shkencave?, në ?Kimi Analitike dhe Mjedis?. Më herët ka kryer studimet në Universitetin e Tiranës, në Fakultetin e Shkencave të Natyrës, dega Kimi e Përgjithshme, ku është diplomuar dhe ka marre titullin ?Master në Shkencë?, në po të njëjtën degë. Prej vitit 2009 është angazhuar si pedagoge e jashtme pranë Fakultetit të Shkencave të Natyrës.

Në vitin 2004 ka nisur karrierën profesionale në Bashkinë e Tiranës, fillimisht në Drejtorinë e Koordinimit të Projekteve. Gjatë viteve 2005-2011, ka drejtuar Drejtorinë e Strehimit dhe Shërbimit Social. Në këtë detyrë, Znj. Manastirliu ka qenë një nga kontribuueset kryesore në hartimin dhe vënien në zbatim të ?Strategjisë Lokale të Strehimit Social?.

Në periudhën 2011-2013, ajo është angazhuar si eksperte për menaxhimin dhe koordinimin e politikave sociale dhe burimeve njerëzore për organizata të ndryshme kombëtare dhe ndërkombëtare, si UNFPA, Friedrich Ebert Stiftung etj.

Në periudhën Shtator 2013?Mars 2017, znj. Manastirliu ka drejtuar Qendrën Spitalore Universitare ?Nënë Tereza? në Tiranë.

Ajo ka një aktivizim të gjatë në radhët e Partisë Socialiste dhe është anëtare e Asamblesë Kombëtare. Në zgjedhjet parlamentare të vitit 2017, është zgjedhur deputete e Kuvendit të Shqipërisë.

Znj. Manastirliu zotëron gjuhën angleze dhe italiane.





Lajmet e fundit nga