web counter
LEXO PA REKLAMA!

SHKARKO APP

App Store
Google Play

E fundit!

x

Kabineti i ri qeverisës/ Rama konfirmon një tjetër ministër

2 Shtator 2021, 09:29, Politikë CNA

Kryeministri Rama ka bërë me dije se Niko Peleshi do të vijojë të drejtojë Ministrinë e Mbrojtjes, detyrë të cilën e mban prej janarit të vitit 2021.

Me ndryshimet në qeveri në fund të dhjetorit 2020, kryeministri Edi Rama emëroi Peleshin, në krye të ministrisë së Mbrojtjes, detyrë të cilën më parë e mbante Olta Xhaçka.

Bojkoti nga kontrollorët e Aviacionit Civil/ Peleshi: Aeroporti, objekt strategjik me rëndësi të veçantë për sigurinë kombëtarePeleshi është një emër me kontribut në PS, ndërsa ka dhe një CV të pasur.

Ai ka kryer studimet e larta për Inxhinieri Elektronike në Universitetin Politeknik të Tiranës me rezultate të shkëlqyera duke marrë titullin inxhinier elektronik.

Në vitin 1989 ka përfunduar Shkollën e Mesme të Përgjithshme ?Raqi Qirinxhi? në Korçë me medalje të artë.

Peleshi ka pasur një angazhim të gjatë në fushën e biznesit privat në qytetin e Korçës: në vitet 2001 ? 2004 ka drejtuar me sukses Dhomën e Tregtisë dhe Industrisë, Korçë.

Karriera politike e tij  fillon në tetor të vitit 2004, kur emërohet prefekt i qarkut Korçë dhe e ushtron këtë funksion për një vit.

Në vitin 2005, zgjidhet kryetar i Partisë Socialiste të qytetit të Korçës. Në zgjedhjet lokale të shkurtit 2007 zgjidhet kryetar bashkie i Korçës, për t?u rikonfirmuar edhe njëherë si kryetar bashkie në zgjedhjet lokale të vitit 2011.

Prej vitit 2012 është anëtar i Kryesisë së Partisë Socialiste.

Prej shtatorit të vitit 2013 Peleshi emërohet zëvendëskryeministër, pozicion të cilin e mban deri në maj 2017.

Në zgjedhjet parlamentare të vitit 2017, ai zgjidhet deputet në qarkun e Korçës duke kryesuar listën e Partisë Socialiste.

Nga muaji Shtator 2017 ? janar 2019 mbajti postin e ministrit të Bujqësisë.

Në janar 2021 pas disa ndryshimeve në qeveri u emërua ministër i Mbrojtjes./CNA.al





Lajmet e fundit nga