web counter
LEXO PA REKLAMA!

SHKARKO APP

App Store
Google Play

Rama i beson Olta Xhaçkës, Ministrinë e Jashtme

2 Shtator 2021, 09:28, Politikë CNA

Kryeministri Edi Rama, gjatë fjalës së tij në Asamblenë e Partisë Socialiste, ka rikonfirmuar në detyrë ministren e Jashtme, Olta Xhaçka.

Ashtu sikurse ishte paralajmëruar dhe nga CNA.al, Rama i ka besuar Xhaçkës diplomacinë e jashtme.

Xhaçka është diplomuar në Bachelor, për Shkenca Politike dhe Marrdhënie Ndërkombëtare, ndërsa nivelin e dytë të studimeve master e ka kryer për Administrim Publik në Clark University, SHBA.

Ajo i ka përfunduar Studimet Universitare dhe pasuniversitare në vitin 2005.

Xhaçka ka një CV të pasur me eksperiencë pune.

Përpara angazhimit të saj politik, ajo ka qenë pjesë aktive e shoqërisë civile, në fushën e të drejtave të njeriut dhe mirëqeverisjes, si dhe ka punuar lektore e shkencave politike në Universitetin e Neë York Tirana.

Prej vitit 2009, Xhaçka është pjesë e Grupit Parlamentar të Partisë Socialiste, fillimisht si përfaqësuese e Qarkut të Korçës për dy legjislatura në Kuvendin e Shqipërisë dhe në qershor 2017 është zgjedhur përfaqësuese e Tiranës në Kuvendin e Shqipërisë.

Si aktiviste e të drejtave të njeriut, kryesisht në fushën e barazisë gjinore dhe si kryetare e Forumit të Grave Socialiste, Xhaçka ka drejtuar prej vitit 2014 Nënkomisionin Parlamentar për Çështjet e të Miturve, Barazisë Gjinore dhe Dhunës në Familje dhe ka qenë anëtare e Komisionit të Punës, Çështjeve Sociale dhe Shëndetësisë. Në mars 2017, znj. Xhaçka emërohet ministre në Ministrinë e Mirëqenies Sociale dhe Rinisë. Ajo më pas ka qenë në krye të Ministrisë së Mbrojtjes, dhe së fundmi ka drejtuar diplomacinë shqiptare.

Xhaçka është anëtare e Kryesisë së Partisë Socialiste, Kryetare e Forumit të Gruas së Partisë Socialiste, që prej vitit 2010, si dhe drejton Fondacionin Qemal Stafa që prej vitit 2015./CNA.al





Lajmet e fundit nga