web counter
LEXO PA REKLAMA!

SHKARKO APP

App Store
Google Play

Rikthimi në shkolla/ ISHP publikon udhëzuesin për sigurinë kundër COVID-19, zbardhen të gjitha rregullat

31 Gusht 2021, 14:58, Aktualitet CNA

Ministria e Shëndetësisë ka publikuar protokollin me masat anti-Covid që duhet të ndjek të ministria e Arsimit, dhe më pas institucionet vartëse, me rastin e nisjes së vitit të ri shkollor 2021-2022.

Kështu, ndryshe nga vitet e tjera, ky vit shkollor do të zhvillohet duke ndjekur disa masa, që nga oraret fikse, distanca mes nxënësve, apo dhe mbajtja e maskave në klasë por dhe në ambientet e shkollave.

Një sërë rregullash duhet të zbatojnë edhe mësuesit.

Mësuesit duhet të jenë të vaksinuar teksa ditën e nesërme pritet të nisë mësimi plotësues. Në rast se mësuesit nuk janë të vaksinuar atëherë duhet të merren masat që të vaksinohen brenda 30 shtatorit.

ISHP parashikon dhe rastin kur mësuesi nuk është i vaksinuar dhe për këtë ai ose ajo duhet të paraqesë dokumentin e mjekut të familjes ku paraqitet arsyeja e mosvaksinimit.

Kujtojmë se më 1 shtator do të nisë mësimi plotësues në të gjitha shkollat e vendit, ku nxënësit mund të paraqiten për të marrë dije, për të cilat mund të ketë pasur boshllëqe nga viti i kaluar. Ndërkohë që zyrtarisht ky vit shkollor do të hapet më 27 shtator./CNA.al





Lajmet e fundit nga